कोल्हापुरात स्वच्छता मोहीम सुरुच, बाराशे टन कचरा उचलला

पूर ओसरलेल्या भागातून १२६० टन कचरा व गाळ उठाव

कोल्हापूर : महानगरपालिका आरोग्य व घनकचरा व्यवस्थापन विभागामार्फत महापुरातील स्वच्छता मोहीम अद्याप सुरुच असून पूरग्रस्त भागातून शुक्रवारी १२६० टन कचरा व गाळ उचलण्यात आला. कचरा व गाळ उठाव केलेल्या परिसरात औषध फवारणी व धूर फवारणी करण्यात आली.

शुक्रवारी मुंबई महानगरपालिकेच्या दोन जेटिंग कम सक्शन वाहने याद्वारे शहरातील प्रमुख ड्रेनेज लाईन साफ करण्यात आली. चोकअप काढण्यात आले. पुणे महानगरपालिकेचे दोन फायर फायटर व ३६ कर्मचारी, देवस्थान समितीचे ६० कर्मचारी यांच्या सहाय्याने पूर ओसरलेल्या ठिकाणी साचलेला गाळ व कचरा उठाव काढण्यात आला.

शुक्रवारी रिलायन्स मॉल पाठीमागील बाजू, डिगे पॅसेज, लक्ष्मीपुरी कामगार चाळ, चावरेकर चाळ, मोकाशी पॅसेज, फोर्ड कॉर्नर, कोंडा ओळ, सीपीआर चौक ते शिवाजी पूल, पिकनिक पॉईंट, पंचगंगा हॉस्पिटल ते गायकवाड पुतळा, शाहू विद्यालय, विवेकानंद कॉलेज, दुधाळी पॅव्हेलियन मागील बाजू, गिरिजा चौक, आर्थोपेडिक सेंटर, शिंगणापूर नाका, आखरी रास्ता, गुने बोळ, पंचगंगा रोड, शाहुपुरी सहा ते नऊ गल्ल्यातून, व्हिलसन पूल ते व्हिनस कॉर्नर, बी चॅनेल ऑफिस व्हिनस कॉर्नर, कलेक्टर ऑफिस रोड ते खानविलकर पेट्रोल पंप, कलेक्टर ऑफिस रोड ते पाटील गॅस एजन्सी रोड, नागाळा पार्क, केव्हीज पार्क, रमणमळा, पोवार मळा, नागाळा पार्क, महावीर कॉलेज रोड, शिये नाका रोड, बापट कॅम्प, शिरोली टोल नाका, तावडे हॉटेल परिसर, लोणार वसाहत, मुक्त सैनिक आदी ठिकाणी स्वच्छता करण्यात आली.

फोटो क्रमांक - ३००७२०२१-कोल-केएमसी स्वच्छता

ओळ - कोल्हापूर महानगरपालिका आरोग्य विभागामार्फत हाती घेण्यात आलेली पूरग्रस्त भागातील स्वच्छता शुक्रवारीही सुरु होती.