‘आयजीएम'ची स्वच्छता रबे अल केअरकडे

फोटो

लोकमत न्यूज नेटवर्क

इचलकरंजी : येथील आयजीएम रुग्णालयातील स्वच्छता तसेच आवश्यक मनुष्यबळ मोफत देण्याच्या कामास शुक्रवारी शिवजयंतीचे औचित्य साधत सुरुवात करण्यात आली. सातारा येथील रबे अल केअर या संस्थेने आमदार प्रकाश आवाडे यांच्या विनंतीवरून एक महिना हा उपक्रम राबविण्यात येणार आहे. येथील आयजीएम रुग्णालयाच्या अस्वच्छतेवरून आमदार आवाडे यांनी जिल्हा शल्यचिकित्सक व आरोग्य अधिकाऱ्यांना धारेवर धरले होते. तसेच स्वच्छतेबाबत तात्काळ निर्णय घ्या; अन्यथा आम्ही जबाबदारी घेतो, असा इशारा दिला होता. त्यानुसार प्रायोगिक तत्त्वावर एक महिन्यासाठी रबे अल केअर या संस्थेला रुग्णालयातील स्वच्छतेचे काम सोपविले आहे. त्यांच्यामार्फत संपूर्ण रुग्णालय व परिसर स्वच्छता करणे. वैद्यकीय सेवेसाठी आवश्यक मदतनीस, नर्स, वॉर्ड बॉय, आया पुरवणे, स्वच्छतेचे साहित्य पुरवणे, आदी कामे केली जाणार आहेत. याची सुरुवात शुक्रवारी करण्यात आली. यावेळी आमदार आवाडे, संस्थेचे प्रमुख सुनील सनबे, राहुल आवाडे, प्रकाश दत्तवाडे आदी उपस्थित होते.

फोटो ओळी १९०२२०२१-आयसीएच-०४ इचलकरंजीत आयजीएम रुग्णालयातील स्वच्छता एक महिना मोफत करण्याच्या कामाचा शुक्रवारी प्रारंभ करण्यात आला. यावेळी आमदार प्रकाश आवाडे, सुनील सनबे, राहुल आवाडे, प्रकाश दत्तवाडे आदी उपस्थित होते.