‘सर्किट बेंच’ची फाईल हाय कोर्टात सादर

मुख्य न्यायाधिशांचे रजिस्टारनी स्वीकारली फाईल

कोल्हापूर : मुंबई उच्च न्यायालयाचे सर्किट बेंच सहा जिल्'ांसाठी कोल्हापूर येथे स्थापन करावे, यासाठी सहा जिल्'ांच्या मागणीचे ठराव व संस्थानकाळातील कोल्हापुरातील खंडपीठाच्या माहितीची फाईल सोमवारी मुंबई उच्च न्यायालयाचे मुख्य न्यायाधीश मोहित शहा यांचे रजिस्टार एस. एन. जोशी व जनरल रजिस्टार मंगेश पाटील यांच्याकडे खंडपीठ कृती समितीने सादर केली. ही फाईल न्यायाधीश शहा यांच्यासमोर ठेवली जाईल, असे आश्वासन यावेळी रजिस्टारनी कृती समितीला दिले. समितीच्या पदाधिकाऱ्यांनी दिवसभर मुख्य न्यायाधीश शहा यांची भेट घेण्याचा प्रयत्न केला असता झाली नाही. कोल्हापुरात सर्किट बेंच व्हावे, यासाठी गेल्या अनेक वर्षांपासून आंदोलन सुरू आहे. यासंदर्भात शुक्रवारी (दि. २१) गोवा येथील मुंबई उच्च न्यायालयाच्या पणजी खंडपीठाच्या इमारतीमध्ये कृती समितीबरोबर मुख्य न्यायाधीश शहा यांची बैठक झाली. यावेळी त्यांनी कोल्हापूर कार्यक्षेत्रातील प्रलंबित खटले, प्रस्तावित सर्किट बेंचच्या कार्यक्षेत्रात येणाऱ्या सांगली, सातारा, सोलापूर, सिंधुदुर्ग, रत्नागिरी या जिल्'ांचे कोल्हापूरपासून अंतर किती आहे, पक्षकारांना कोल्हापुरात येण्यासाठी कशा पद्धतीची सोय आहे, याची माहिती घेतली तसेच कोल्हापुरात सर्किट बेंच स्थापन व्हावे, या मागणीच्या सहा जिल्'ांच्या ठरावाच्या प्रती व संस्थानकाळातील खंडपीठाची माहिती मागविली होती. त्यानुसार कृती समितीचे निमंत्रक अ‍ॅड. चव्हाण, सुस्मित कामत, मिलिंद जोशी, विजय ताटे, धनश्री चव्हाण, आदींनी संस्थान काळातील राजाराम महाराजांच्या काळात सुरू असलेली माहिती संग्रहित करून फाईल तयार केली होती.
काही तज्ज्ञ वकिलांकडून यासंदर्भात मार्गदर्शनही घेतले होते. त्यानंतर ही फाईल सोमवारी दुपारी मुंबई उच्च न्यायालयाचे रजिस्टार जोशी व पाटील यांच्याकडे सादर केली. यावेळी कृती समितीचे निमंत्रक राजेंद्र चव्हाण, उपाध्यक्ष प्रशांत चिटणीस, माजी अध्यक्ष विवेक घाटगे, माजी उपाध्यक्ष प्रशांत शिंदे, सचिव रवींद्र जानकर, डी. एन. जाधव, के. व्ही. पाटील, आदी उपस्थित होते. (प्रतिनिधी)

मुंबई उच्च न्यायालयाचे मुख्य न्यायाधीश मोहित शहा यांची भेट झाली नाही; परंतु त्यांचे रजिस्टार एस. एन. जोशी व जनरल रजिस्टार मंगेश पाटील यांच्याकडे ‘सर्किट बेंच’च्या माहितीची फाईल सादर केली आहे. यासंदर्भात दोन दिवसांत न्यायाधीश शहा यांच्या निर्णयाची माहिती घेतली जाईल.
- अ‍ॅड. राजेंद्र चव्हाण,
(निमंत्रक खंडपीठ कृती समिती)