बालगोपाल फुटबॉल क्लबला विजेतेपद

लोकमत न्यूज नेटवर्क

कोपार्डे - डी. सी. नरके राज्यस्तरीय फुटबॉल स्पर्धेत अंतिम सामान्यात बालगोपाल फुटबॉल क्लबने पाडळी फुटबॉल क्लबचा २ विरुद्ध ० गोलने पराभव करून विजेतेपद पटकावले. मा. आ. चंद्रदीप नरके यांच्याहस्ते विजेत्या बालगोपाल संघास २१ हजार रोख व चषक, तर उपविजेत्या पाडळी फुटबॉल क्लबला १५ हजार व चषक देण्यात आला. तिसऱ्या क्रमांकाच्या फुलेवाडी संघाला ११ हजार व चषक देण्यात आला, तर उत्तेजनार्थ सांगरुळ फुटबॉल क्लबला ७ हजार व चषक देण्यात आले.

कुंभी-कासारी कारखान्यावर नरके विद्यानिकेतनच्या मैदानावर झालेल्या बालगोपाल व पाडळी संघादरम्यान चुरशीने झालेल्या अंतिम सामन्यात पहिल्या हाफमध्ये पाडळीच्या योगेश कदम ,रोहन आडनाईक, तर बालगोपालच्या ऋषिकेश पाटील व अभिजित साळुंखे या खेळाडूंनी उत्तम चढाया करत गोल करण्याचे प्रयत्न केले. सामन्याच्या १२ व्या मिनिटाला मिळालेल्या पासवर बालगोपालच्या रोहित कुरणेने हेडने पहिला गोल नोंदवला. पाडळीला १५ व्या मिनिटावेळी मिळालेल्या कॉर्नरवर गोल करता आला नाही. बालगोपालच्या ऋतुराज पाटील याने १८ व्या मिनिटाला मैदानी गोल करत पाडळीवर २ विरुद्ध ० गोलने आघाडी घेतली.

दुसऱ्या हाफमध्ये ५ व ६ व्या मिनिटाला पाडळीच्या किरण कावणेकर याने सलग तीनवेळा मिळालेल्या संधीचे गोल करण्यात अपयश आले. शेवटी बालगोपालने हा सामना २ विरुद्ध ० गोलने जिंकला.

तत्पूर्वी तिसऱ्या क्रमांकासाठी झालेल्या सामन्यात फुलेवाडी संघाने सांगरुळ फुटबॉल क्लबचा २ विरुद्ध ० गोलने पराभव केला. यावेळी संयोजक संभाजी नाळे, शिवाजी डुबल याचा कुंभी बँकेचे अध्यक्ष अजित नरके यांच्याहस्ते सत्कार करण्यात आला. यावेळी कुंभी कासारी संचालक दादासाहेब लाड, प्रकाश पाटील (आकुर्डे कर), संदीप शेलार, सुधीर खाडे, अजित पाटील उपस्थित होते

उत्कृष्ट कामगिरी करणारे खेळाडू ---

मॅन ऑफ द मॅच-ऋतुराज पाटील (बालगोपाल) बेस्ट डिफेन्स--आरबाज पेंढारी (फुलेवाडी)

बेस्ट फॉरवर्ड-योगेश कदम (हनुमान पाडळी बु।)

बेस्ट गोली--अक्षय कुरणे (बालगोपाल) बेस्ट हाफ-गणेश पाटील (सांगरुळ) मॅन ऑफ द सिरीज- ऋषिकेश मेथे पाटील (बालगोपाल)

१९डीसीनरके फुटबॉल (फोटो) डी सी. नरके राज्यस्तरिय फुटबॉल स्पर्धेत विजेत्या बालगोपाल फुटबॉल क्लबला विजेतेपदाची ट्रॉफी देताना चंद्रदीप नरके, अजित नरके, संभाजी नाळे, दादासाहेब लाड, प्रकाश पाटील.