संक्षिप्त बातम्या

दत्तवाड : दत्तवाड (ता. शिरोळ) परिसरातील शेतक-यांना मोठ्या पावसाची प्रतीक्षा लागून राहिली आहे. माॅन्सूनपूर्व व अवकाळी पाऊस सर्वत्र झाला. मात्र, दत्तवाड परिसरातील घोसरवाड, दानवाड, टाकळीवाडी या परिसरात अद्याप एकही मोठा पाऊस झाला नाही. सध्या मृग नक्षत्र सुरू असून पावसाला सुरुवात होण्याचा अंदाजदेखील हवामान खात्याने वर्तवले होते. पूर्वमशागत शेतीची कामे करून शेतकरी पावसाची वाट पाहत आहेत. ऊस हे या भागातील नगदी पीक असून या पिकाच्या वाढीसाठी पावसाची आवश्यकता आहे. सोयाबीन, भुईमूग या हंगामी पिकांसाठी पावसाची आवश्यकता असल्याने शेतकरी पावसाच्या प्रतीक्षेत आहेत.

---------------------------

धरणगुत्तीत मास्कचे वाटप

जयसिंगपूर : धरणगुत्ती (ता. शिरोळ) येथील माळभाग परिसरात रॉयल बॉईजच्यावतीने ५०० मास्क व १०० बॉटल सॅनिटायझरचे वाटप करण्यात आले. कोरोनाचा संसर्ग रोखण्यासाठी राबविलेल्या या उपक्रमामुळे नागरिकांतून समाधान व्यक्त होत आहे.

----------------------

साने गुरुजी शिक्षण संस्थेकडून वृक्षारोपण

जयसिंगपूर : येथील साने गुरुजी प्राथमिक शिक्षक सहकारी पतसंस्थेच्यावतीने साने गुरुजींच्या पुण्यतिथीनिमित्त निमशिरगाव येथील तुकाई डोंगरावर ५० झाडांचे वृक्षारोपण केले. यावेळी अध्यक्ष अरविंद मजलेकर, राजू मुजावर, संतप कोळी, राजगोंडा हुलीकिरे, सुरेश पाटील, सुरेखा कुंभार, संपत कोळी, जयश्री माने यांच्यासह मान्यवर उपस्थित होते.