संक्षिप्त बातम्या

इचलकरंजी : अहमदाबाद एक्स्प्रेसला अजमेरपर्यंत वाढविण्याची आणि सर्व रेल्वेना हातकणंगले स्टेशनवर स्टॉपेज (थांबा) देण्यात यावीत, अशा मागणीचे निवेदन इचलकरंजी टेक्स्टाईल सेक्टरमधील विविध संघटना, असोसिएशनने सेंट्रल रेल्वेचे महाव्यवस्थापक अनिल लाहोटी यांना दिले.

नंदराज पवार यांची निवड

इचलकरंजी : येथील मारवल इंग्लिश मीडियम स्कूलचे नंदराज पवार यांची इंग्लिश मीडियम स्कूल असोसिएशन ऑफ इचलकरंजीच्या अध्यक्षपदी निवड करण्यात आली. असोसिएशनची कार्यकारिणी सदस्य निवडीसंदर्भात बैठक झाली. बैठकीत कार्याध्यक्षपदी एन. एन. काझी, उपाध्यक्ष रियाज आळतेकर, सचिव प्राची कुलकर्णी व सचिन नाईक यांची निवड झाली.

बिरदेव मंदिरात नवीन सभागृह

तारदाळ : संगमनगरमध्ये बिरदेव मंदिरात माजी आमदार सुरेश हाळवणकर यांच्या निधीतून सभागृह बांधण्यात आले. त्याचे उद्घाटन हाळवणकर यांनी केले. सभागृहामधील उर्वरित राहिलेले फरशी, गिलावा, खिडक्यांची कामे ही जि. प. सदस्य, पंचायत समिती व ग्रामपंचायतीच्या निधीतून करण्यात येईल, असे सांगितले. यावेळी अंजना शिंदे, प्रसाद खोबरे, संजय चोपडे, अनिल डाळ्या, सचिन पोवार, आदी उपस्थित होते.