नवरीचा अहवाल पॉझिटिव्ह, लग्न समारंभात खळब‌ळ

कार्यालय चालकासह दोघांवर गुन्हा दाखल

लोकमत न्यूज नेटवर्क इचलकरंजी : येथील महेश सेवा समितीमध्ये सुरू असलेल्या लग्न समारंभातील नवरी मुलीचा अहवाल पॉझिटिव्ह आल्याने शहरात खळबळ उडाली. याप्रकरणी हॉल भाड्याने देणे व जिल्हाधिकाऱ्यांच्या आदेशाचे उल्लंघन करून लग्न समारंभासाठी नियमबाह्य लोकांना जमवणे. याप्रकरणी दोघांवर शिवाजीनगर पोलीस ठाण्यात गुन्हा दाखल झाला आहे.

याबाबत अधिक माहिती अशी, शनिवारी (दि.२०) शहरातील विविध भागांतील तिघांचा कोरोना अहवाल पॉझिटिव्ह आला होता. त्यातील घोरपडे नाट्यगृह परिसरातील पॉझिटिव्ह व्यक्तीच्या मुलीचे रविवारी लग्न होते. तिचा अहवालही पॉझिटिव्ह आला. त्यामुळे खळबळ उडाली. या लग्न कार्यालयास सुमारे शंभरवर लोक उपस्थित होते. ही माहिती समजताच मुख्याधिकाऱ्यांच्या आदेशानुसार आरोग्य अधिकारी डॉ. सुनीलदत्त संगेवार यांच्या पथकाने संबंधितांवर कारवाई केली. तसेच राष्ट्रीय आपत्ती व्यवस्थापनांतर्गत जिल्हाधिकाऱ्यांनी दिलेल्या आदेशाचे उल्लंघन केल्याप्रकरणी रामनिवास मुंदडा या दोघांविरोधात गुन्हा दाखल केला.

दरम्यान, रविवारी दिवसभरात ‘त्या’ नवरी मुलगीच्या पॉझिटिव्ह अहवालासह एकूण रुग्णांची संख्या चार हजार ३४ वर पोहचली आहे. तसेच लग्न समारंभात उपस्थित असलेले व पॉझिटिव्ह व्यक्तीच्या संपर्कात आलेल्या सर्वांनाच आठ दिवस क्वारंटाइन होण्याचे आदेश देण्यात आले आहेत.