वडगावात रस्त्यांचे खराब काम बंद पाडले

लोकमत न्यूज नेटवर्क पेठ

वडगाव : येथील पन्हाळकर वसाहतीत सुमार काम सुरू असलेला रस्ता दर्जेदार करावा, अशी मागणी करत कार्यकर्त्यांनी ठेकदाराला धारेवर धरले. तसेच रस्त्यांच्या कामाचे वर्क ऑर्डर, प्लॅन एस्टिमेट मागून निरुत्तर केले. त्यानंतर कामाबाबत ठेकदारांने चूक झाल्याचे मान्य करुन चांगले काम करण्याची हमी दिली. अखेरीस यावर पडदा पडला.

पालिकेच्या वतीने पन्हाळकर वसाहतीमध्ये माणिक पाटील ते अपराध वसाहत दरम्यान तीनशे मीटरचा रस्ता खडीकरण, डांबरीकरणचे काम मंजूर झाला आहे. पन्हाळकर वसाहती अनेक वर्षांनंतर प्रथमच मुख्य रस्त्याचे काम होत आहे. हे काम चांगले व्हावे यासाठी पालिकेच्या कामात गुणवत्तापूर्ण होण्यासाठी आग्रही असणारे कार्यकर्ते सुधाकर पिसे यांनी पाहणी केली.

या रस्त्यावर पहिल्यांदा खडीकरण, मुरुम टाकून पाणी मारून रोलिंग असे काम होणे अपेक्षित होते. मात्र हे नियमांनुसार होत नाही म्हणून हरकत घेत कामास आक्षेप घेण्यात आला. याबाबत दोघांतील संभाषण सोशल मीडियावर व्हायरल झाले आहे. तर सत्तारूढ गटाच्या कार्यकर्त्यांनी रस्त्याच्या कामाबाबत सकाळी दर्जाबाबत एक, सायंकाळी रस्ता झाला पाहिजे, अशी भूमिका हा चर्चेचा विषय झाला होता. दरम्यान नंतर संबंधित ठेकदाराने येथून पुढे कोणतीही तक्रार घेणार तसेच दर्जेदार काम करण्याचे ग्वाही दिली. त्यानंतर काम सुरू झाला. दरम्यान हे ठेकेदार हे पालिकेचे मुख्य अभियंतांचे भाचे आहेत.

---

चौकट: भर पावसात डांबरीकरण

लाटवडे रोडवरील रस्त्यांचे काम एका ठेकदाराने भर पावसात केले होते. तसेच शहरातील रस्ते २४ तासांत एका दिवसात खडीकरण, डांबरीकरण करण्यात पूर्ण करण्यात आल्यामुळे नागरिकांच्यातून नाराजी व्यक्त होत आहे. त्यामुळे अशा रस्तांचा दर्जा काय राहणार, अशी चर्चा नागरिकांच्यातून सुरू आहे.

फोटो : पेठवडगाव : येथील पन्हाळकर वसाहतीमध्ये अनेक वर्षांनी प्रथम होत असलेल्या रस्त्याच्या दर्जाबाबत आक्षेप घेण्यात आला आहे.