‘बाळकडू’ राज्यभर प्रेक्षकांच्या भेटीला

शिवसेनेचे आमदार राजेश क्षीरसागर यांच्यावतीने कार्यकर्त्यांना उद्या, शनिवारी हा चित्रपट दाखविण्यात येणार आहे. ते स्वत:सुद्धा यावेळी उपस्थित राहणार आहेत.

कोल्हापूर : संजय राऊत प्रस्तुत ‘बाळकडू’ हा बहुचर्चित चित्रपट आज, शुक्रवारी प्रदर्शित झाला. चित्रपटाला पहिल्याच दिवशी प्रेक्षकांनी उत्स्फूर्त प्रतिसाद दिला. शिवसेनाप्रमुख बाळासाहेब ठाकरे यांच्या जीवनावर आधारित या चित्रपटात बाळासाहेबांनी जणू नागरिकांशी संवाद साधला आहे. कोल्हापुरातील शाहू, रॉयल व पार्वती मल्टिप्लेक्स या तीन चित्रपटगृहांमध्ये हा चित्रपट प्रदर्शित झाला आहे. ‘बाळकडू’ हा चित्रपट म्हणजे मुंबईतील एका सामान्य माणसाची कथा आहे. मुंबईतत्याचा सुरू असलेला संघर्ष व त्याला लाभलेली बाळासाहेबांची प्रेरणा, असे या चित्रपटाचे कथानक आहे. या चित्रपटाचे वैशिष्ट्य म्हणजे यात बाळासाहेब ठाकरे यांनी नागरिकांशी साधलेला संवाद. खासदार संजय राऊत प्रस्तुत या चित्रपटाची निर्मिती स्वप्ना पाटकर यांची असून, दिग्दर्शन अतुल काळे यांनी केले आहे. यात अभिनेता उमेश कामत, अभिनेत्री नेहा पेंडसे, सुप्रिया फाटक, प्रसाद ओक, पुष्कर श्रोत्री, जयवंत वाडकर, अभय राणे, शरद पोंक्षे यांच्या प्रमुख भूमिका आहेत. संगीत अजित-समीर यांनी दिले आहे. शिवसेनेचे आमदार राजेश क्षीरसागर यांच्यावतीने कार्यकर्त्यांना उद्या, शनिवारी हा चित्रपट दाखविण्यात येणार आहे. ते स्वत:सुद्धा यावेळी उपस्थित राहणार आहेत.