जनता बझारच्या सभेत आरोप-प्रत्यारोप

कोल्हापूर : देशभक्त रत्नाप्पाण्णा कुंभार जनता सेंट्रल को-ऑप. कंझ्यु. स्टोअर्स (जनता बझार) ची ५८ वी वार्षिक सर्वसाधारण सभा सोमवारी सत्तारूढ व विरोधकांत आरोप-प्रत्यारोप करण्यात आले.

संस्थेचे अध्यक्ष मदन चोडणकर यांनी संस्थेच्या कारभाराचा आढावा घेतला. निवडणुकीवेळी संस्थेच्या खात्यात पाच हजार रुपये शिल्लक हाेते, आता दहा लाख रुपये शिल्लक असल्याचे चोडणकर यांनी सांगितले. कोरोना काळात रेशन दुकानदारांना विमा संरक्षण दिल्याचे संचालक रमेश उलपे यांनी सांगितले. संस्थेचे उपाध्यक्ष आकाराम पाटील यांनी स्वागत व प्रास्ताविक केले.

ज्येष्ठ संचालक अरुण साळोखे, माजी नगरसेवक सचिन चव्हाण, शिवाजी घाटगे, अरविंद खेडकर, उदय देसाई, दीपक शिराळे, विद्या माळी, ललिता माळी, निकीता पाटील, आदी उपस्थित होते.

जनता बझारची सभा गुंडाळली - विरोधकांचा आरोप

कोल्हापूर : जनता बझारच्या सभेत सत्ताधारी मंडळींनी कोणत्याही प्रश्नांची उत्तरे न देता सभा गुंडाळल्याचा आरोप विरोधी संचालक डॉ. सुहास बोंद्रे, रविकिरण चौगुले, वैभव पवार, तानाजी साजणीकर, मधुकर शिंदे, तृप्ती शिंदे यांनी पत्रकातून केला. सभेचा अहवाल का पाठविला नाही, याबाबत विचारणा केली असता, संचालकांनी उडवाउडवीची उत्तरे दिली. संस्थेत केलेला गैरकारभार झाकण्यासाठीच सत्तारूढ गटाने सभा गुंडाळल्याचा आरोप बोंद्रे यांनी केला.

फोटो ओळी : जनता बझारची ५८ वी वार्षिक सर्वसाधारण सोमवारी झाली, यामध्ये अध्यक्ष मदन चोडणकर यांनी मार्गदर्शन केले. यावेळी अरुण साळोखे, रमेश उलपे, आकाराम पाटील, सचिन चव्हाण, आदी उपस्थित होते. (फोटो-१५०२२०२१-कोल- जनता बझार)