अत्यावश्यक सेवेच्या मोटारीतून दारू जप्त

कोल्हापूर : ‘अत्यावश्यक सेवा हुपरी नगरपरिषद’ असा फलक लावून देशी व विदेशी दारूची चोरटी वाहतूक करणाऱ्या मोटारीचा शाहुपुरी पोलिसांनी थरारक पाठलाग केला. ताराराणी चौकात पोलिसांनी शनिवारी सायंकाळी ही कारवाई केली. कारवाईत पोलिसांनी हुपरी नगरपरिषदेचे नगरसेवक दौलतराव पाटील यांचा मुलगा पृथ्वीराज पाटील याच्यासह चार संशयितांना अटक केली. गुन्ह्यात वापरलेली मोटारकार व साडेबारा हजारांची दारू, असा सुमारे २ लाख ६२ हजार ४८० रुपयांचा मुद्देमाल जप्त केला.

अटक केलेल्या संशयितांची नावे अशी, पृथ्वीराज दौलतराव पाटील (वय २१, रा. पाटील गल्ली, अंबाबाई मंदिराशेजारी, हुपरी, ता. हातकणंगले), पोपट मारुती चौगले (३२, रा. जठारवाडी, ता. करवीर), प्रफुल्ल किरण लाड (२३, रा. हुपरी), शाहबाज फिरोज नायकवडे (२३, रा. कागल वेश, शाहू चौक, हुपरी).

पोलिसांनी दिलेली माहिती अशी की, लॉकडाऊन अंमलबजावणीसाठी शनिवारी सायंकाळी शाहुपुरी पोलिसांची धैर्यप्रसाद चौकात नाकाबंदी करून वाहन तपासणी सुरू होती. त्यावेळी सर्किट हाऊसकडून एक लाल रंगाची मोटारकार भरधाव वेगाने आली. धैर्यप्रसाद चौकात पोलिसांनी ती अडवण्याचा प्रयत्न केला, पण चालकाने मोटार न थांबवता ताराराणी चौकाच्या दिशेने वेगाने पुढे गेली. त्यामुळे पोलिसांनी वायरलेसवरून संदेश देऊन त्या मोटारीचा थरारक पाठलाग केला, ही मोटार पोलिसांनी ताराराणी चौकात अडवली, त्यावेळी मोटारीतील युवकांनी पोलिसांशी हुज्जत घातली. पोलिसांनी मोटारीची तपासणी केली असता, त्यामध्ये सुमारे साडेबारा हजार रुपये किमतीच्या देशी दारूच्या २४० बाटल्यांचे बॉक्स आढळले. पोलिसांनी ही दारू व गुन्ह्यात वापरलेली मोटारकार जप्त केली. मोटारीतील चौघांना पोलिसांनी अटक केली. ताराराणी चौकातील पोलीस चौकीत कारवाई करताना हुपरीतील संशयितांच्या समर्थकांनी गर्दी केली होती. ही कारवाई शाहुपुरी पोलीस ठाण्यातील उपनिरीक्षक स्मिता पाटील, पोलीस मानसिंग सातपुते, शैलेंद्र विभुते यांनी केली.

मोटारीवर अत्यावश्यक सेवा, प्रेस, मनसेचे फलक

जप्त केलेली मोटार ही पृथ्वीराज पाटील याच्या मालकीची आहे. या मोटारीच्या पुढे काचेवर कोरोना आपत्ती व्यवस्थापन समिती, हुपरी नगरपरिषद अत्यावश्यक सेवा, असा फलक लावलेला आहे. त्याशिवाय मोटारीच्या पुढे व मागे काचेवर इंग्रजीमध्ये प्रेस, मागील नंबरप्लेटवर मनसे व काचेवर मनसेचा झेंडा असल्याचे स्टिकर आहे. लॉकडाऊनमध्ये मोटारीतून दारूची चोरटी वाहतूक करता यावी, यासाठी ही शक्कल लढवण्यात आली आहे.

फोटो नं.२२०५२०२१-कोल-पृथ्वीराज पाटील, पोपट चौगले, प्रफुल्ल लाड, शाहबाज नायकवडे (आरोपी दारू.)

फोटो नं.२२०५२०२१-कोल-कार०१

ओळ : जप्त केलेले दारूचे बॉक्स

फोटो नं.२२०५२०२१-कोल-कार०२

ओळ : दारूच्या चोरट्या वाहतूकप्रकरणी शाहुपुरी पोलिसांनी शनिवारी सायंकाळी पाठलाग करून पकडलेली मोटारकार.

===Photopath===

220521\22kol_12_22052021_5.jpg~220521\22kol_13_22052021_5.jpg

===Caption===

फोटो नं.२२०५२०२१-कोल-पृथ्वीराज पाटील, पोपट चौगले, प्रफुल्ल लाड, शाहबाज नायकवडे (आरोपी दारु)फोटो नं.२२०५२०२१-कोल-कार०१ओळ : जप्त केलेले दारुचे बॉक्सफोटो नं.२२०५२०२१-कोल-कार०२ओळ : दारुच्या चोरटी वाहतुक प्रकरणी शाहूपूरी पोलिसांनी शनिवारी सायंकाळी पाठलाग करुन पकडलेली मोटारकार.~फोटो नं.२२०५२०२१-कोल-पृथ्वीराज पाटील, पोपट चौगले, प्रफुल्ल लाड, शाहबाज नायकवडे (आरोपी दारु)फोटो नं.२२०५२०२१-कोल-कार०१ओळ : जप्त केलेले दारुचे बॉक्सफोटो नं.२२०५२०२१-कोल-कार०२ओळ : दारुच्या चोरटी वाहतुक प्रकरणी शाहूपूरी पोलिसांनी शनिवारी सायंकाळी पाठलाग करुन पकडलेली मोटारकार.