सरवडे व्यापारी असोसिएशन को-ऑप.क्रे.सोसा.सरवडे पतसंस्थेला २७ लाख ८४ हजारांचा ढोबळ नफा
अध्यक्ष कुंडलिक पाटील यांची माहिती
लोकमत न्यूज नेटवर्क
सरवडे : येथील सरवडे व्यापारी असोसिएशन को-ऑप क्रे.सोसा. पतसंस्थेला या आर्थिक वर्षात २७ लाख ८४ हजार इतका ढोबळ नफा झाला असल्याची माहिती संस्थेचे अध्यक्ष, उद्योगपती कुंडलिक पाटील यांनी दिली.
यावेळी संस्थेच्या प्रगतीचा आढावा देताना ते म्हणाले, संस्थेने या आर्थिक वर्षात ४३ कोटी आर्थिक उलाढाल केली असून ७ कोटी २० लाख इतक्या ठेवी जमा केल्या आहेत. संस्था स्थापन होऊन अवघ्या चार वर्षांतच सभासदांचा विश्वास संपादन करत पारदर्शक कारभार यामुळे संस्था अल्पावधीतच प्रगतीच्या शिखरावर आहे. संस्थेची गुंतवणूक २ कोटी ४१ लाख असून खेळते भांडवल ८ कोटी ४४लाख आहे. भागभांडवल २७ लाख २३ हजार इतके आहे. ५ कोटी ८०लाख इतके शिल्लक कर्जे असून पैकी २ कोटी ३३ लाख सोनेतारण कर्ज आहे. संस्थेचा नेट एन.पी.ए ०.६३ टक्के आहे तसेच पुढील आर्थिक वर्षात संस्थेकडून प्रत्येक सभासदांचा अपघाती विमा करणार आहे, अशी माहितीही त्यांनी यावेळी दिली.
यावेळी संस्थेचे उपाध्यक्ष प्रशांत पाटील, गणपती आरडे, तुकाराम नवाळे, सचिन जठार, अजित रानमाळे, संदीप पाटील, सचिन वागवेकर, पांडुरंग खोत, शरदचंद्र पोवार, विजय येटाळे, मनोज पोवार, संजय गुरव, नंदकिशोर मोरे, वैशाली मगदुम, ज्योती खोराटे, मॅनेजर बाळासाहेब कदम उपस्थित होते.
...
फोटो
अध्यक्ष कुंडलिक पाटील