आजरा :
आजरा तालुक्यात आज (शुक्रवारी) आणखी २३ नव्या कोरोनाबाधितांची भर पडली. पोश्रातवाडी येथील ६७ वर्षीय वृद्धाचा कोरोनाने कोल्हापूर येथे मृत्यू झाला.
आजरा शहरात दोघे बाधित आढळल्याने शहरात एकच खळबळ उडाली आहे. १ एप्रिलपासून तालुक्यातील चौघांचा कोरोनाने मृत्यू झाला आहे.
शहरात आज भाजीपाला विक्रीवर बंदी करण्यात आली; मात्र किराणा दुकानात नागरिकांनी मोठ्या प्रमाणात गर्दी केली होती. शहरात संचारबंदीच्या नियमांचे पालन होत नसल्याने कोरोनाचे रुग्ण वाढत असल्याची भीती व्यक्त होत आहे. आज दिवसभरात गावनिहाय आढळलेले रुग्ण असे : आजरा शहर-२, पेरणोली - १, भादवण-२, होन्याळी - १, लाटगाव - ४, वाटंगी - १, उत्तूर - २, सोहाळे - २, कानोली-१, पोश्रातवाडी -२, महागोंड-२, सरोळी - २, कोवाडे - १ असे एकूण २३ जण बाधित आढळले.
आजरा कोविड सेंटरमध्ये आज १०७ जणांनी स्वॅब दिला आहे.