शेतकरी संघ सेवक पतसंस्थेचा १२ टक्के लाभांश

कोल्हापूर : शेतकरी सहकारी संघ सेवकांची पतसंस्था सभासदांना १२ टक्के लाभांश देणार असल्याची घोषणा संस्थेचे अध्यक्ष धनाजी पाटील यांनी केली.

पतसंस्थेची ५७ वी वार्षिक सर्वसाधारण सभा झाली. यावेळी पाटील म्हणाले, संस्थेची १०० टक्के वसुली असून, आगामी काळात सभासदाभिमुख काम करण्यास संचालक मंडळ कटिबद्ध आहे. कोणत्याही बँकेचे कर्ज न घेता सभासदांच्या ठेवी व स्वभांडवलातून कर्ज वाटप करत आहे. संस्थेचे खजिनदार दीपक निंबाळकर यांनीही संस्थेच्या प्रगतीचा आढावा घेतला. सभासदांच्या गुणवंत पाल्यांचा सत्कार सभेत करण्यात आला. सचिव अक्षय चव्हाण यांनी अहवाल वाचन केले. अनंत देसाई यांनी आभार मानले. उपाध्यक्षा सुषमा गुरव, राजेंद्र पाटील, संजय निर्मळ, बी. एस. पाटील, अशोक पाटील, अनिल बारड, सूर्यकांत लिमकर, अख्तर अत्तार, शैला पाटील आदी उपस्थित होते.

फोटो ओळी : शेतकरी संघ सेवक पतसंस्थेच्या सभेत अध्यक्ष धनाजी पाटील यांनी मार्गदर्शन केले. यावेळी दीपक निंबाळकर, सुषमा गुरव, अनंत देसाई आदी उपस्थित होते. (फोटो-०८०२२०२१-कोल-शेतकरी संघ)