उल्हासनगर : महापालिका निवडणुकीसाठी सकाळी शांततेत मतदान सुरू होते. मात्र, दुपारी भाजप आणि शिंदेसेनेच्या कार्यकर्त्यांमध्ये राडा झाल्याने गालबोट लागले. यामुळे शहरात तणावाचे वातावरण असून, जमावाला पांगवण्यासाठी पोलिसांना अनेक ठिकाणी सौम्य लाठीमार करावा लागला.
उल्हासनगर गोलमैदान परिसरातील खा. डॉ. श्रीकांत शिंदे यांच्या कार्यालयाचे संपर्कप्रमुख अरुण तांबे हे पैशांचे वाटप करत आहेत, याची माहिती आ. कुमार आयलानी यांच्या पत्नी मीना आयलानी तसेच मुलगी यांना मिळाल्यावर त्यांनी थेट खासदार कार्यालयावर धडक दिली. कार्यालयातून पैसे वाटप का सुरू आहे? असा सवाल करत त्यांनी जाब विचारला, ज्याचे रूपांतर तू तू मैं मैं व धक्काबुक्कीत झाले. या घटनेनंतर पोलिसांनी तातडीने हस्तक्षेप करत तांबे यांना ताब्यात घेतले. मात्र, ठोस तक्रार नसल्याने प्राथमिक चौकशीनंतर त्यांना सोडून देण्यात आले.
शहरातील विविध प्रभागांत गर्दीवर नियंत्रण मिळवण्यास पोलिसांना बळाचा वापर करावा लागला. प्रभाग १६ मध्ये ज्योती चैनानी यांच्या पतीला पैसे वाटप केल्याच्या संशयावरून हिललाइन पोलिसांनी ताब्यात घेतले. तर मतदार यादीतील त्रुटीमुळे आ. बालाजी किणीकर व पालिका अधिकाऱ्यांत खडाजंगी झाली.
शहरातील शांतता राखण्यासाठी पोलिस कटिबद्ध आहेत. जिथे कायदा-सुव्यवस्थेचा प्रश्न निर्माण झाला, तिथे पोलिसांनी योग्य कारवाई केली आहे. अफवांवर विश्वास ठेवू नका आणि शांततेत मतदान प्रक्रिया पूर्ण पडली असून आतापर्यंत तक्रार न आल्याने, कोणावरही गुन्हा दाखल झालेला नाही. सचिन गोरे, पोलिस उपायुक्त, उल्हासनगर
Web Summary : Ulhasnagar municipal elections saw clashes between BJP and Shinde Sena. Police used mild force to disperse crowds after allegations of bribery surfaced. Arrests were made, but later released due to lack of formal complaints. Tensions remain high.
Web Summary : उल्हासनगर नगर पालिका चुनाव में भाजपा और शिंदे सेना के बीच झड़पें हुईं। रिश्वत के आरोपों के बाद पुलिस ने भीड़ को तितर-बितर करने के लिए हल्का बल प्रयोग किया। गिरफ्तारियां हुईं, लेकिन औपचारिक शिकायतों की कमी के कारण बाद में रिहा कर दिया गया। तनाव बरकरार है।