एक्स्ट्रा मॅरिटल अफेअरच्या अनेक विचित्र घटना रोज समोर येत असतात. काही दिवसांपूर्वीच भोपाळमधील एका महिेलेने तिच्या पतीला त्याच्या प्रेयसीकडे दीड कोटी रूपये घेऊन सोपवलं. हा प्रकार तसाच होता जसा अनिल कपूरच्या जुदाई सिनेमात दाखवण्यात आला होता. आता त्याहून एक वेगळी घटना अमेरिकेतून समोर आली आहे. अमेरिकेतील एका पंजाबी कपलकडे राहण्यासाठी आलेली त्यांची मैत्रीण नेहमीसाठी त्या घराचीच झाली. ही महिला घटस्फोटानंतर मित्राकडे इमोशनल सपोर्टसाठी काही दिवसांसाठी आली होती. मात्र, काही दिवसातच या तिघांचं बॉन्डींग असं काही जमलं की, तिघे काही वर्षांपासून रिलेशनशिपमध्ये आहेत.
सनी, कौर आणि स्पीति
अमेरिकेतील इंडियानापोलिसमध्ये राहणारे सनी आणि स्पीतिने २००३ मध्ये लग्न केलं होतं. सनीचा जन्म पंजाबमध्ये झाला होता आणि तो आठ वर्षांचा असतानापासून न्यूयॉर्कमध्ये राहतो. काही वर्षांनी तो भारतात आला तर त्याची भेट स्पीतिसोबत झाली आणि दोघांनी काही वेळ सोबत घालवल्यावर लग्न केलं होतं.
स्पीति तिची मैत्रीण पिद्दू कौरच्या लग्नासाठी गेली होती. मात्र, कौरचं लग्न काही महिनेच टिकू शकलं. कारण कौरच्या पतीने लग्नचं यासाठी केलं होतं की, त्याला त्याच्या पॅरेंट्स लग्नानंतर ब्रॅन्ड न्यू कार देणार होते. त्यानंतर पतीचं घर सोडून कौर कॅलिफोर्नियाहून सनी आणि स्पीतिकडे राहण्यासाठी न्यूयॉर्कमध्ये आली.
तिघांचं नातं सुरू झाल्यावर स्पीतिला अनेक वर्ष असं वाटत होतं की, कौरसाठी तिचा पती तिला सोडून तर देणार नाही ना...त्यामुळे तिघांनी काही नियम तयार केले. या नियमांनुसार, तिघांमध्ये काहीच सीक्रेट राहणार नाही आणि डेट नाइट्ससाठी केवळ दोघे जाणार नाहीत. स्पीति म्हणाली की, जेव्हा कौर आमच्या लाइफमध्ये आली तेव्हा ती घटस्फोटाच्या प्रोसेसमधून जात होती. आम्ही एकमेकांचं ऐकत होतो, एकमेकांसोबत इमोशनल होत होतो आणि एकमेकांसोबत डान्सही करत होतो. हे आकर्षण केवळ इमोशनल नव्हतं आणि सनी सुद्धा या निर्णयाने आनंदी होता.
या रिेलेशनशिपआधी सनी आणि स्पीतिला दोन मुली होत्या ज्यांचं वय १५ आणि १६ होतं. आता स्पीतिने तिच्या तिसऱ्या मुलीला जन्म दिला जी आता ९ वर्षांची झाली आहे. त्यासोबतच कौरनेही एका मुलाला जन्म दिलाय जो आता ४ वर्षांचा झालाय. तिघेही भारतीय पार्श्वभूमीचे असल्याने तिघांनाही आपल्या परिवारातील सदस्यांसोबत नातं तोडावं लागलं. कारण त्यांना या तिघांचं नातं समजत नव्हतं.