सुट्टी घेऊन लोक सामान्यपणे मूड फ्रेश करतात. एन्जॉय करतात. पण एका महिलेसोबत वेगळंच झालं. 4 मुलांची आई असलेल्या स्टेफनी हॅनसन अशीच आपल्या मैत्रिणींसोबत सुट्टी एन्जॉय करण्यासाठी गेली होती. पण सुट्ट्यांदरम्यान तिचं मन असं काही बदललं की, घरी परत आल्यावर तने पतीला घटस्फोट दिला. ज्याचं कारण वाचून तुम्हीही अवाक् व्हाल.
मिररच्या रिपोर्टनुसार, लिव्हरपूलची राहणारी स्टेफनी मे 2022 मध्ये तिच्या काही मैत्रिणींसोबत ग्रीसच्या केफालोनियाला गेली होती. तिथेच तिने तिचा 40वा वाढदिवस साजरा केला. जंगलात राहत असताना अचानक तिला तिच्या संसाराबाबत विचार आला. तिला वाटलं की, पतीसोबत ती खूप दु:खी आहे. तिला स्वतंत्र अजिबात वाटत नाही. तिला तिच्या मुलांची आठवण तर येते पण पतीची येत नाही. मग काय तिने तेव्हाच एक निर्णय घेतला. घरी परत आल्यावर तिने पतीला निर्णय सांगितला. ती पतीला म्हणाली की, मी आता आणखी तुझ्यासोबत राहू शकत नाही.
स्टेफनी म्हणाली की, मला आठवतं जेव्हा मी दूर होते तेव्हा विचार करत होते की, मला मुलांची आठवण येते, पण पतीची आठवण येत नाही. मी मैत्रिणींसोबत सगळ्याच चांगला वेळ घालवत होते. आपल्या पतीकडे घरी परत जाणं एक भयानक विचार होता. मी या विचारावर पोहोचले की, माझं माझ्या पतीवर प्रेम नाही. हॉटेलमध्येही मी विचार केला की, जर मी हे लग्न मोडलं तर मी किती बिनधास्त राहू शकते. मी दु:खी आहे कारण मी लग्नाच्या बंधनात आहे. तेव्हा मी त्याला घटस्फोट देण्याचं ठरवलं.
काय होतं कारण
घटस्फोटानंतर स्टेफनीचं लक्ष्‍य आपलं वजन कमी करणं होतं. तिने घरीच वर्कआउट करणं सुरू केलं. आपल्या डाएटमध्ये बदल केला. तिने 10 किलो वजन कमी केलं. पण काही महिन्यांनीच तिला वाटलं की, कुणाचीतरी सोबत गरजेची आहे. तेव्हा डेटिंग वेबसाइटवर डेविड नावाच्या एका व्यक्तीला भेटली. स्टेफन म्हणाली की, मी भविष्यासाठी वाट बघत बसू शकत नाही. मी जशी आहे त्यावर त्याचं प्रेम आहे. जर मी त्यावेळी सुट्टीवर गेले नसते तर कदाचित ही शानदार व्यक्ती मला भेटली नसती.