Woman Discovers Boyfriend is Actually Her Nephew: अनेकदा काही लोकांसोबत असं घडतं की, आपण अचानक एखाद्या अशा अनोळखी व्यक्ती भेटतो जी नंतर त्यांची नातेवाईक निघते. असंच काहीसं एका महिलेसोबत झालं. ती त्या व्यक्तीच्या प्रेमात पडली होती. इतकंच नाही तर त्याच्यापासून तिला एक अपत्यही होतं. तोच तिचा भाचा निघाला.
ही कहाणी आहे एक 32 वर्षीय महिलेची. डीएनए टेस्टमुळे तिच्या आयुष्याला एक वेगळंच वळण मिळालं आहे. स्वत: महिलेने तिच्यासोबत घडलेल्या घटनेबाबत ऑनलाइन प्लॅटफॉर्म रेडिटवर शेअर केलं आहे. तिने सांगितलं की, तिने ज्याच्यासोबत एका मुलाला जन्म दिला आहे आणि आणखी मुलाला जन्म देणार आहे तो दुसरा कुणी नसून तिचा भाचा आहे.
मिररच्या रिपोर्टनुसार, या 32 वर्षीय महिलेला एक 23 वर्षांचा बॉयफ्रेंड आहे. दोघे काही वर्षापासून सोबत आहेत आणि त्यांना एक मुलगाही आहे. इतकंच नाही तर ती त्याच्या दुसऱ्या बाळालाही जन्म देणार आहे. त्यांना लग्न केलं नाही, पण पती-पत्नीसारखे सोबत राहतात. यात महिलेच्या आधीच्या रिलेशनशिपमधून जन्माला आलेल्या एका मुलाचाही समावेश आहे.
जेव्हा महिलेने डीएनए टेस्ट केली तेव्हा समजलं की, तिच्या बॉयफ्रेंडची आई तिची बहीण आहे. जी लहान वयातच घरातून पळून गेली होती. इतक्या वर्षात तिच्याबाबत काहीच समजलं नाही. ना तिच्या मुलाबाबत काही माहिती समोर आली होती.
महिलेची या तरूणासोबत तेव्हा भेट झाली जेव्हा महिलेचे आधीचे दोन रिलेशनशिप फेल झाले होते. ती तिच्या मुलासोबत दुसरीकडे शिफ्ट झाली होती. जेव्हा ती तिच्या नव्या बॉयफ्रेंडला भेटली तेव्हा तो 20 वर्षांचा होता. तर महिला 29 वर्षांची होती. नुकतीच जेव्हा बॉयफ्रेंडने डीएनए टेस्ट केली तेव्हा त्याच्या आईचं नाव ऐकून महिलेला धक्का बसला. जेव्हा तिने तिचीही टेस्ट केली तेव्हा समजलं की, बॉयफ्रेंड तिच्या सावत्र बहिणीचा मुलगा म्हणजे तिची भाचा आहे आणि ती त्याची मावशी.