Why there is a hole in Plastic stool : आजकाल प्रत्येक घरांमध्ये बसण्यासाठी प्लास्टिकचा स्टूलचा वापर कॉमन झाला आहे. सोबतच स्टूल ठेवायला जागाही कमी लागते. एका ठिकाणाहून दुसऱ्या ठिकाणी न्यायलाही सोपे असतात. पण तुम्ही एका गोष्टीकडे लक्ष दिलं असेल की, कोणत्याही प्लास्टिकच्या स्टूलवर एक छिद्र असतं. पण ते का असतं याचा कधी विचार केला का? जर तुम्हालाही या प्रश्नाचं उत्तर माहीत नसेल तर आज याचं उत्तर आम्ही तुम्हाला सांगणार आहोत. चला जाणून घेऊ यामागचं कारण...
रिपोर्ट्सनुसार, प्लास्टिकचे स्टूल बनवणारी कंपनी लहान असो वा ब्रॅंडेड असो स्टूलमध्ये छिद्र नक्की असतं. स्टूल उत्पादनासाठी विज्ञानाच्या नियमांचं पालन केलं जातं. अशात स्टूल जगाच्या कोणत्याही कोपऱ्यात तयार होत असेल तर त्याच्या मधोमध एक मोठं किंवा लहान छिद्र असतं.
छिद्राचं कारण...
यामागचं एक कारण म्हणजे घरात जागेच्या कमतरतेमुळे किंवा दुकानात स्टूल एकावर एक टाकून ठेवले जातात. जर या स्टूलमध्ये छिद्र नसेल तर ते एकमेकांमध्ये अडकतात. एअर प्रेशर आणि वॅक्यूममुळे ते वेगळे करण्यासाठी फार जास्त शक्ती लागते. अर्थातच त्यावर छिद्र असल्याने ते वेगळे करणे सोपं होतं. त्यामुळे विज्ञानाच्या नियमानुसार त्यावर हे छिद्र दिलेलं असतं.
आणखी एक कारण...
स्टूलच्या मधे छिद्र असण्याची वेगवेगळी कारणं आहेत. आणखी एक कारण म्हणजे जेव्हा एखादी जास्त वजन असलेली व्यक्ती स्टूलवर बसते किंवा उभी राहते तेव्हा स्टूल तुटत नाही. याचं मुख्य कारण स्टूलवरील छिद्र असतं. ज्यामुळे व्यक्तीच्या शरीराचं वजन दोन भागात समान रूपात वाटलं जातं आणि व्यक्ती सुखरूप राहते. म्हणजे स्टूलमध्ये देण्यात आलेल्या छिद्राची महत्वाची भूमिका असते. जर प्लास्टिकच्या स्टूलमध्ये छिद्र बनवलं गेलं नाही तर तो तुटण्याचा धोका अधिक राहतो.