जेव्हा एखाद्या नात्यात काहीच अर्थ राहत नाही तेव्हा लोकं ते नातं संपवण्याचा निर्णय घेतात. मात्र जगात असे खूप कमी लोक असतात जे ब्रेकअप खूप समजूतदारपणे स्वीकारतात. अनेक लोक मात्र ब्रेकअपनंतर इतके तुटून जातात की काहीतरी टोकाचं पाऊल उचलतात. तर काही जण बदला घेण्याचं ठरवतात. अशीच एक अजब घटना आता समोर आली आहे. अमेरिकेतील एका व्यक्तीने असंच काहीसं केलं आहे. जेव्हा त्याची गर्लफ्रेंड वेगळं होण्याची मागणी करीत होती. त्यावेळी तिच्यापासून वेगळं होण्याऐवजी तो तिच्या बेडखाली जाऊन राहू लागल्याची घटना घडली आहे.
एटलांटा (Atlanta, America) मध्ये राहणाऱ्या लिबी क्लीव्स (Libby Cleaves) हिच्यासोबत ही भलतीच घटना घडली आहे. तिने सोशल मीडियावर आपल्या एक्स बॉयफ्रेंडशी संबंधित विचित्र बाब शेअर केली. डेली स्टारच्या एका रिपोर्टनुसार, महिलेने टिकटॉकवर सांगितलं की, ती एका चांगल्या मुलासोबत रिलेशनशीपमध्ये होती. दोघे एकत्र चर्चमध्ये जात होते आणि लिबी त्याच्या मित्र-कुटुंबालाही भेटली होती. दोघे लवकरच लग्न करण्याबद्दलही विचार करीत होते. यानंतर मात्र लिबीसोबत असं काही घडलं की, तिने लग्न सोडून ब्रेकअप करण्याचा निर्णय घेतला.
ब्रेकअपनंतर एक दिवस लिबीने बेडच्या खाली श्वासोच्छवासाचा आवाज ऐकला. तिने खाली वळून पाहिलं तर बॉयफ्रेंड खाली बसला होता. लिबी एकटी असताना काय करते हे त्याला पाहायचं होतं. याशिवाय त्याने लिबीला असंही सांगितलं की, काही दिवसांपासून तो तिच्या टूथब्रशचा वापर करीत आहे. यानंतर लिबी कोर्टात गेली आणि रिस्ट्रेनिंग ऑर्डर घेतली. ज्यानंतर एक्स बॉयफ्रेंड तिच्यापासून लांब राहू लागला. एका हिंदी वेबसाईटने याबाबतचे वृत्त दिले आहे.