उत्तर प्रदेशच्या फिरोजाबादमधील खंगर भागात अंधाराचा फायदा घेत प्रेयसीला भेटायला गेलेल्या प्रियकराची गावातील लोकांनी चांगलीच धुलाई केली. गावकऱ्यांनी त्याचे आधी त्याचे कपडे फाडले आणि त्यानंतर त्याला काठ्यांनी मारहाण केली. मारहाण केल्यावर तो बेशुद्ध झाला. पोलिसांनी या तरूणाला हॉस्पिटलमध्ये दाखल केलं.
काय आहे भानगड?
आग्र्यातील जगपुरामद्ये राहणाऱ्या २४ वर्षीय टीटूचं फिरोजाबादच्या नयाबांसपुरातील एका तरूणीसोबत अफेअर होतं. तरूणानुसार महिलेचा पती त्याचा मित्र आहे. तो त्याच्यासोबत गुजरातमध्ये नोकरी करत होता. त्याने पत्नीसोबत ओळख करून दिली होती. गुरूवारी सायंकाळी तरूण प्रेयसीला भेटायला गावात आला होता. (हे पण बघा : VIDEO : प्रियकराच्या लग्नात हॉलबाहेर प्रेयसीचा आक्रोश, ती बाबू-सोना म्हणत राहिली पण....)
शेतातून आवाज आल्यावर पकडला गेला
भेटण्यासाठी दोघेही अंधारात गावापासून दूर शेतात गेले होते. शेतातून आवाज आल्यावर गावातील लोकांची गर्दी जमली होती. तिथे महिलेचे नातेवाईकही आले होते. त्यांनी वेढा देत तरूणाला पकडलं आणि त्याला मारहाण केली. गावातील लोकांनी तरूणाला इतकं मारलं की, त्याचे कपडे फाटले. त्याल हात, पाय आणि डोळ्यांवर गंभीर जखमा झाल्या आहेत.
गावातील लोकांनी याची माहिती पोलिसांना दिली. पोलिसांनी घटनास्थळी पोहोचून तरूणाला हॉस्पिटलमध्ये दाखल केलं. त्याच्या तिथे उपचार सुरू आहेत. महिलेचे नातेवाईक तिला त्यांच्यासोबत घेऊन गेले. याप्रकरणी पोलीस अधिकारी लालता प्रसाद म्हणाले की, ११२ वर पोलिसांना सूचना मिळाली होती की, एका तरूणाला गावातील लोकांनी मारहाण केली आहे. पोलिसांनी घटनास्थळी पोहोचून तरूणाला हॉस्पिटलमध्ये दाखल केलं. पोलीस घटनेची चौकशी करत आहेत.