व्हॅलेंटाईन डे(Valentines Day) जगभरात प्रेमाचा दिवस म्हणून साजरा केला जातो. या दिवशी प्रेमी एकमेकांवरील प्रेम व्यक्त करतात. पण अमेरिकेतील(America) एका व्यक्तीला आपल्या एक्स गर्लफ्रेन्डला(Ex Girlfriend Kidnap) जबरदस्ती डेटवर बोलवणं महागात पडलं. त्याला तुरूंगाची हवा खावी लागली.
अमेरिकेतील एरिजोनामध्ये व्हॅलेंटाईन डे ला डेटवर जाण्यासाठी नकार दिल्याने एका व्यक्तीने त्याच्या एक्स गर्लफ्रेन्डचं अपहरण केलं. या व्यक्तीची एक्स गर्लफ्रेन्ड २ मुलांची आई आहे. महिलेचं अपहरण करण्याच्या आरोपाखाली पोलिसांनी या व्यक्तीला अटक केली आहे. (हे पण वाचा : बोंबला! नवऱ्यानं ज्या महिलांच्या फोटोला लाईक केलं होतं; त्याची प्रिंट काढली अन् दिलं व्हॅलेंनटाईन गिफ्ट)
ही घटना १० फेब्रुवारीची आहे. या २० वर्षीय व्यक्तीचं नाव यशायाह कोस्पर्ड असं असून त्याने त्याच्या एक्स गर्लफ्रेन्डचं अपहरण करण्याचा आणि तिच्यावर हल्ला करण्याचा प्रयत्न केला. एक्स गर्लफ्रेन्डवर हल्ला करण्याचा आरोपात त्याला अटक करण्यात आली आहे. मात्र, नंतर त्याला सोडून देण्यात आलं.
मात्र, दुसऱ्या दिवशी पुन्हा तो तिला डेटवर बाहेर जाण्यासाठी मनवत होता. त्यासाठी तो तिच्या घरी गेला. डेली मेलच्या रिपोर्टनुसार, पीडितेच्या आईने सांगितले की, जेव्हा तिने त्याच्यासोबत डेटवर जाण्यास नकार दिला तेव्हा त्याने तिला मारलं आणि जबरदस्ती तिला कारमध्ये घेऊन गेला. यावेळी तो १०० किमी प्रति तासाच्या वेगाने गाडी चालवत होता.
आजूबाजूच्या लोकांनी हा सगळा गोंधळ पाहिला आणि पोलिसांना फोन केला. तोपर्यंत तो कार घेऊन दूर गेला होता. पुढे त्याने गाडी ठोकली. आरोपीला ६ हजार डॉलरच्या बॉन्डवर सोडण्यात आलं.