लंडनमध्ये राहणाऱ्या मार्टिन एशले कॉन्वेने त्याच्याच एका महिला मैत्रिणीवर आरोप केला आहे की, तिने त्याला किस केल्याने तो आजारी पडला आहे. यासाठी आता तो कोर्टाच्या दारात गेलाय.कॉन्वेने सांगितले की, एका सोशल मीडिया साइटच्या माध्यमातून त्याची भेट जोवाना लवसेसोबत झाली होती. मग दोघांनी भेटण्याचा प्लॅन केला. पहिल्या भेटीतच दोघांमध्ये किस झाला. कॉन्वेने सांगितले की, महिलेला आधीच सर्दी होती आणि तिने याबाबत त्याला काहीही सांगितले नाही. आता तिच्या सर्दीमुळे मला इन्फेक्शन झालं असून ओठांवर एक डाग पडलाय. ज्यामुळे अनेक दिवस तो आजारी होता.
डेली स्टारने दिलेल्या रिपोर्टनुसार, कॉन्वे सांगितले की, त्याला या इन्फेक्शनमुळे फ्लूसारखी लक्षणे आणि तोंडात फोड झाले आहेत. इतकेच नाही तर त्याला तापामुळे हॉस्पिटलमध्ये भरतीही व्हावं लागलं. या कारणाने संतापलेल्या कॉन्वेने महिलेवर केस करण्याची तयारी केली आहे आणि त्याने जोवाना लवसेकडून 136,328 पाउंड भरपाईची मागणी केली आहे.
कॉन्वेचं मत आहे की, लवसेने त्याला हे सांगितले नाही की, तिला सर्दी झाली आहे. याचा त्याला त्रास झाला. साधी गोष्ट आहे की, जर तुम्ही एखाद्या आजाराने पीडित असाल तर याबाबत दुसऱ्या व्यक्तीला सांगितलं पाहिजे. जेणेकरून तो सावध होईल.
कॉन्वे व्यवसायाने एक फिटनेस कोच आहे आणि वेस्ट लंडनमध्ये राहतो. त्याने सांगितले की, सोशल मीडियाद्वारे 2019 मध्ये त्याची जोवानासोबत मैत्री झाली होती. ज्यानंतर दोघांचं नातं प्रेमात बदललं. 4 जुलै 2019 जोवानाने त्याला भेटायला बोलवलं होतं.
त्यानंतर दोघे सेंट्रल लंडनमध्ये भेटले आणि दोघांमध्ये किस झाला. कॉन्वेने सांगितले की, आधी तर त्याला जोवानाच्या सर्दीबाबत माहिती नव्हती. पण जेव्हा तिचं मेकअप थोडं उतरू लागलं तेव्हा त्याला याबाबत समजलं. तो म्हणाला की, मला जराही कल्पना नव्हती की, साध्या सर्दीने तो इतका आजारी पडेल. त्यानंतर त्याने जोवानासोबत ब्रेकअप केलं. इतकेच नाही तर त्याने तिच्याकडे भरपाई मागितली आहे आणि तिच्यावर केस करण्याची तयारीही केली आहे.
बाबो! दरवाजा उघडताच पतीसोबत दिसली त्याची प्रेयसी; पत्नीने दोघांनाही धू-धू धुतले, व्हिडीओ व्हायरल...
बाबो! तरूणीने एका बुक्कीत फोडली हवेतील विमानाच्या खिडकीची काच, इतर प्रवाशी 'कोमात'...