Snake In ATM : सापांचे कितीतरी व्हिडीओ सोशल मीडियावर नेहमीच व्हायरल होत असतात. यातील काही व्हिडीओ बघून हैराण व्हायला होतं तर काह व्हिडीओ धक्का देणारे असतात. साप कधी गाडीच्या डिक्कीत तर कधी बोनटमध्येही सापडतात. पण आम्ही सापाचा एक असा व्हिडीओ घेऊन आलो आहोत ज्यावर तुमचा विश्वास बसणार नाही. एक साप चक्क एटीएम मशीनमध्ये घुसताना आढळला. एका व्यक्ती एटीएममध्ये पैसे काढण्यासाठी गेली तेव्हा त्याने हा व्हिडीओ रेकॉर्ड केला.
व्हिडिओत तुम्ही बघू शकता की, एक खतरनाक साप अचानक एटीएम मशीनमध्ये शिरताना दिसत आहे. साप आधी मशीनवर सरपटतो आणि नंतर तिथे असलेल्या एका होलमध्ये शिरतो. काही सेकंदाच साप पूर्णपणे त्या होलमधून मशीनच्या आत शिरतो. नंतर सापासोबत काय झालं हे समजू शकलेलं नाही.
हा व्हिडीओ 'हसना जरूरी है' नावाच्या यूजरने ट्विटरवर शेअर केला आहे. हा व्हिडीओ सध्या तूफान व्हायरल होत आहे. इतकंच काय तर लोक यावरून मीम्सही बनवत आहेत. लोकांनी अनेक मजेदार कमेंट्सही यावर केल्या आहेत. काही लोक म्हणाले की, साप पैसे काढण्यासाठी मशीनमध्ये शिरला. तर काही म्हणाले की, नागिण विकत घेण्यासाठी लागणारे पैसे काढण्यासाठी साप मशीनमध्ये घुसला. अशा मजेदार कमेंट्स लोक करत आहेत.