रेल्वेच्या AC कोचच्या सीटवर एक्स्ट्रा कव्हर का लावलेलं असतं? पाहिलं तर असेल पण माहीत नसेल कारण...

Railway Facts : आपणही कधी एसी कोचमधून प्रवास केल्यावर पाहिलं असेल की, एसी कोचमधील सीटवर सीटच्या कव्हरच्या रंगाची एक एक्स्ट्रा चादर टाकलेली असते. पण का?

Railway Facts : रेल्वेने प्रवास करताना वेगवेगळ्या इंटरेस्टिंग गोष्टी आपल्या डोळ्यांसमोर येतात. भारतीय रेल्वेकडून करण्यात आलेल्या अनेक बदल तर दिसतातच, सोबतच अशा काही गोष्टी दिसतात ज्यामुळे आपल्या मनात काही प्रश्न निर्माण होतात. रेल्वे जनरल, स्लीपर आणि एसीचे देखील वेगवेगळे कोच असतात. ज्यांमध्ये अनेक नवीन बदल केले गेले. रेल्वेच्या एसी कोचमधील अशीच एक गोष्ट आहे ज्याबाबत काहींना प्रश्न पडतो. अनेकांनी ही गोष्ट नोटीस केली असेल, पण त्यांना त्याचं कारण माहीत नसेल. आपणही कधी एसी कोचमधून प्रवास केल्यावर पाहिलं असेल की, एसी कोचमधील सीटवर तिच्या कव्हरच्या रंगाची एक एक्स्ट्रा चादर टाकलेली असते. आज आपण हेच जाणून घेणार आहोत की, एसी कोचमधील सीट्सवर त्यांच्या कव्हरच्या रंगाची एक्स्ट्रा चादर का टाकलेली असते.

खरंतर याबाबत रेडिट या सोशल मीडिया प्लॅटफॉर्मवर r/indianrailways नावाच्या हँडलवरून एक प्रश्न शेअर करण्यात आलाय. फोटोत एक यूजर फ्लॅपला वर उचलतो, जो अर्धा शिवलेला आहे. त्यात आत बोटं जातील इतकी जागाही सोडण्यात आलीये. रेडिटच्या पोस्टमध्ये लिहिलं आहे की, "मी बऱ्याच दिवसांनी रेल्वेने प्रवास करत आहे आणि विचार करत आहे की, सीटवर एक्स्ट्रा चादर का दिली गेली आहे. सामान्यपणे अशा गोष्टींचा काहीना काही उद्देश असतो, पण अनेकदा लोकांना याबाबत माहीत नसतं".

सीटवर का असते एक्स्ट्रा चादर?

ज्या कव्हरसारख्या चादरीबाबत आम्ही बोलत आहोत, ती एसी कोटमध्ये असलेल्या बेडशीट सीटवर टिकून रहाव्या म्हणून दिली जाते. एसी कोचमध्ये प्रवाशांना दोन चादरी आणि एक ब्लँकेट दिलं जातं. एक चादर सीटवर टाकली जाते आणि चादरीचे कोपरे फ्लॅपमध्ये दाबले जातात, जेणेकरून रात्री झोपेत चादर इकडे-तिकडे सरकू नये.

काय म्हणाले यूजर्स?

या पोस्टवर अनेक यूजर्सनी प्रतिक्रिया दिल्या आहेत. बरेच लोक हेच म्हणाले की, त्यांनीही कधी या फ्लॅपच्या उद्देशाचा विचार केला नाही. एका यूजरने लिहिलं की, त्यांनी त्यांच्या मागच्या प्रवासावेळी फक्त चादर फ्लॅपवर पसरवली आणि चादर पुन्हा पुन्हा घसरत राहिली. दुसरे यूजर म्हणाले की, त्यांनी सुद्धा या फ्लॅपच्या उद्देशाकडे लक्ष दिलं नाही आणि याच कारणाने त्यांची सीटवर टाकलेली चादर एकाजागी टिकली नाही. इतरांची चादर बरोबर जागेवर होती.