पाकिस्तानचे पंतप्रधान इमरान खान त्यांच्या पर्सनल लाइफमुळे नेहमीच चर्चेत राहतात. क्रिकेटर असताना इमरान खानची 'प्लेबॉय' इमेज राहिली आहे. बॉलिवूडची लोकप्रिय अभिनेत्री रेखासोबत इमरान खानच्या अफेअरचे अनेक किस्से आहेत. रेखासोबत संबंधाबाबत इमरान खानचा एक जुना इंटरव्ह्यूज शेअर केला जात आहे. यात इमरान खानने अनेक धक्कादायक खुलासे केले आहेत.
रेखा ७० आणि ८० च्या दशकात बॉलिवूडची सर्वात लोकप्रिय अभिनेत्री होती. यादरम्यान इमरान खानसोबत तिच्या अफेअरची चर्चा रंगली होती. एका जुन्या आर्टिकलमध्ये रेखासोबतच्या रिलेशनशिपबाबत इमरान खानची प्रतिक्रियाची छापली होती. यात इमरान खान म्हणाला होता की, 'काही काळासाठी अभिनेत्री साथ मला खूप आवडली. मी एन्जॉय केलं आणि पुढे गेलो. मी कोणत्याही सिने अभिनेत्रीसोबत लग्न करण्याचा विचारही करू शकत नाही'.
हे आर्टिकल स्टार न्यूजपेपरचं आहे. जे ११ जून १९९५ मध्ये प्रकाशित झालं होतं. आर्टिकलमद्ये दावा केला आहे की, भूतकाळात माजी पाकिस्तानी खेळाडू इमरान खान आणि अभिनेत्री रेखा जवळपास लग्न करणार होते.
आर्टिकलमध्ये भारतीय फिल्म जर्नल मुव्हीच्या हवाल्याने दावा केला गेला की, या लग्नाने रेखाची आई खूप आनंदी होती. तिने यासाठी ज्योतिषासोबतही बोलणं केली होती आणि कुंडलीही दाखवली होती. आर्टिकलमधून हेही समजतं की, या नात्यासाठी रेखाच्या परिवाराकडून शिक्कामोर्तब झालं होतं.
दाव्यानुसार, इमरानने त्यावेळी मुंबईत रेखासोबत क्वालिटी टाइम घालवला होता आणि दोघे साधारण एक महिना एकत्र होते. दोघांना अनेकदा मुंबईच्या समुद्र किनाऱ्यावर बघितलं गेलं. तेव्हा अनेक लोकांनी दावा केला होता की, या जोडीला एकत्र बघितलं होतं. दोघे बरेच जवळ होते आणि एकमेकांवर प्रेम करत होते.
१९९३ मध्ये पाकिस्तानने क्रिकेट वर्ल्ड कप जिंकल्यावर इमरान खानने क्रिेकेटपासून सन्यास घेतला होता. पण तरी तो देशात खूप लोकप्रिय होता. २०१८ मध्ये तो राजकारणात आला. आता तो पाकिस्तानचा पंतप्रधान आहे.