सोशल मीडियावर दोन महिलांचा एक फाइट व्हिडीओ सध्या चांगलाच व्हायरल होत आहे. हा व्हिडीओ एका प्लेनमध्ये शूट केला असून लोक व्हिडीओ पाहून हसून हसून लोटपोट झाले आहेत. यात दोन महिला एकमेकींना न मारताना भांडताना दिसत आहेत. समोरच्या सीटवर बसलेल्या महिलेने मागच्या सीटवर बसलेल्या महिलेला टीव्ही बघू दिला नाही. त्यामुळे मागच्या सीटवर बसलेल्या महिलेने याचा चांगलाच बदला घेतला. या महिलेने समोरच्या सीटवर बसलेल्या महिलेच्या केसांना आधीच च्युइंगम चिकटवलं, नंतर चॉकलेट लावलं आणि नंतर तिचे केस कॉफीच्या मगमध्ये भिजवले. हा व्हिडीओ लोकांना इतका आवडला की, आतापर्यंत या व्हिडीओला ९ कोटी ७० लाख व्ह्यूज मिळाले आहेत.
व्हिडीओत तुम्ही बघू शकता की, समोरच्या सीटवर बसलेली महिला तिचे केस सीटवर लावलेल्या टीव्हीवर मोकळे सोडते. त्यामुळे मागच्या सीटवर बसलेल्या महिलेला टीव्ही बघता येत नाही. समोरची महिला पुन्हा पुन्हा केस मागे करते. याला कंटाळून मागच्या सीटवरील महिलेने तिला स्वत:च धडा शिकवण्याचा निर्णय घेत आणि पुढे प्रकार घडतो. आश्चर्याची बाब म्हणजे विमानातील एक एअर होस्टेस हे सगळं सुरू असताना तेथून जाते. ती हे सगळं बघते काहीच बोलत नाही.
समोरच्या सीटवरील महिला अजिबातच ऐकत नसल्याचे बघून मागच्या सीटवरील महिला तिच्या केसांना केवळ च्युइंगम किंवा लॉलिपॉप लावूनच थांबत नाही तर ती नेलकटरने तिचे केस कापते. नंतर केस कॉफीच्या मगमध्ये भिजवते असं ती दोनदा करते. पण समोरच्या महिलेला काहीच कळत नाही.
हा व्हिडीओ टिकटॉकवर शेअर करण्यात आला होता. काही वेळातच हा व्हिडीओ व्हायरल झाला. अनेकांनी मागच्या सीटवरील महिलेने योग्य केल्याचं म्हटलं तर अनेकांनी प्रश्नही उपस्थित केला. एक यूजर म्हणाला की, दोन्ही महिलांनी सारखीच टोपी घातली आहे. कदाचित त्या मैत्रीणी असतील.