नवी दिल्ली : काही वर्षांपूर्वी पाकिस्तानी पत्रकार चांद नवाबचा एक व्हिडीओ चांगलाच व्हायरल झाला होता. हा व्हिडीओ इतका गाजला की, सलमान खानच्या 'बजरंगी भाईजान' सिनेमात हा सीन रिक्रेएट करण्यात आला. आता पुन्हा चांद नबावचा एक व्हिडीओ सोशल मीडियात व्हायरल झाला आहे. या व्हिडीओतही चांद नवाबला आपल्या विसरण्याच्या सवयीमुळे रिटेक घ्यावे लागले आहेत.
गेल्यावेळी चांद नवाब ईदच्या निमित्ताने घरी परतणाऱ्या लोकांचं रिपोर्टिंग करत होता. पण यावेळी तो एका पानावर रिपोर्टिंग करत आहे. 1.46 मिनिटांच्या या व्हिडीओमध्ये तो आपलं रिपोर्टिंग पूर्ण करु शकत नाहीये.
याआधीचा त्याचा ईदचा व्हिडीओही चांगलाच गाजला होता. त्यावेळी एका रेल्वे स्टेशनवर रमजानच्या महिन्याक रिपोर्टिग करत होता. त्यावेळी त्याला लोकांमुळे अनेक रिटेक घ्यावे लागले होते. आताही तेच झाले आहे. सध्या हा व्हिडीओ फारच गाजत आहे.