प्रेम कधीही, कुठेही, कोणावरही होऊ शकते. वय, दिसणं, श्रीमंती किंवा गरिबी यांचा काहीही संबंध नाही, परंतु कधीकधी काही लव्हस्टोरी या खूप हटके असतात. सध्या सोशल मीडियावर एका पाकिस्तानी जोडप्याची लव्हस्टोरी जोरदार व्हायरल होत आहे, जी जाणून घेतल्यानंतर तुम्हाला धक्काच बसेल. एका 18 वर्षांच्या मुलाने प्रेमात पडल्यानंतर 35 वर्षांच्या महिलेशी लग्न केलं आहे.
शहजाद असं या मुलाचं नाव असून त्याची दूरची नातेवाईक असलेल्या महिलेचं नाव कोमल असं आहे. त्यांच्या लग्नाची सध्या सोशल मीडियावर तुफान चर्चा होत आहे. मिळालेल्या माहितीनुसार, शहजाद शाळेत असताना कोमलच्या प्रेमात पडला होता. घरच्यांनी खूप विरोध केला आणि आपल्या मुलाला मारहाणही केली, पण प्रेम म्हणजे प्रेम असतं.
दोघांच्या वयात मोठा फरक असूनही त्यांनी लग्नाला होकार दिला. शहजाद कोमलसोबत राहिला नाही तर त्याला निद्रानाशाचा त्रास होतो. दोघेही एकमेकांना प्रेमाने वेगवेगळ्या नावाने हाक मारतात. शहजाद कोमलला पिंकी म्हणून हाक मारतो आणि कोमल त्याला मिठू म्हणते.
शहजाद आणि कोमलची लव्हस्टोरी व्हायरल झाल्यानंतर सोशल मीडियावर लोकांनी कमेंट करायला सुरुवात केली. एका युजरने लिहिले आहे, 'मला वाटतं की हा मुलगा त्याचं वय सांगतात त्यापेक्षाही लहान आहे. दुसर्या यूजरने लिहिले आहे, 'ती 35 वर्षांची महिला आहे, मुलगी नाही.' एका हिंदी वेबसाईटने याबाबतचे वृत्त दिले आहे.