या हुकूमशहाने वडील आणि आजोबांचा मृतदेह आजही ठेवला आहे सुरक्षित!

उत्तर कोरियाचा हुकूमशहा किम जोंग हे नेहमीच चर्चेत असतात. त्यामुळे सर्वांनाच माहीत आहेत. त्यांच्या देशातील नियमांमुळे ते नेहमीच चर्चेत असतात. कितीतरी कठोर नियम तुम्हाला चांगलेच माहीत असतील. पण तुम्हाला हे वाचूनही आश्चर्य वाटेल की, किम जोंग यांनी त्यांचे आजोबा आणि वडिलांचे मृतदेह अजूनही सुरक्षित ठेवले आहेत. 

मीडिया रिपोर्ट्सनुसार, किम जोंग यांचे वडील किम जोंग इल आणि आजोबा किम जोंग इल सुंग यांचे पार्थिवं कुमसुसन मेमोरिअल पॅलेसमध्ये सांभाळून ठेवण्यात आले आहेत. हा पॅलेस या दोघांच्या पार्थिवांसाठी खासकरून तयार करण्यात आला होता. इथे असा रिवाज आहे की, कुमसुसन पॅलेसच्या जवळ जाणाऱ्या लोकांना या पार्थिवांसमोर तीनदा वाकून नमन करावं लागतं. 

कुमसुसन मेमोरिअल पॅलेसच्या सुरक्षेसाठी दिवसरात्र जवान तैनात असतात. तर या पॅलेसमध्ये ठेवण्यात आलेल्या किम जोंग यांच्या वडिलांच्या आणि आजोबांच्या पार्थिवांची देखरेख रशियातील लेनिन लॅब करते. लेनिन लॅबच्या वैज्ञानिकांच्या टीमने या नेत्यांच्या पार्थिवांना संरक्षित केलं आहे. याच लॅबच्या वैज्ञानिकांनी १९२४ मध्ये रशियाचे नेते व्लादिमीर लेनिन यांच्या पार्थिवाची एम्बामिंग केली होती.

एम्बामिंगच्या माध्यमातून मृत शरीरांना लवचिक आणि त्वचा तरूण ठेवता येते. पार्थिवांची एम्बामिंग करण्यात अनेक महिन्यांचा कालावधी लागतो. याच प्रक्रियेच्या माध्यमातून किम जोंग यांच्या वडिलांचे आणि आजोबांचे मृत शरीर सुरक्षित केले आहेत.

किम जोंग यांच्या वडिलांच्या आणि आजोबांच्या शरीराची एम्बामिंग दर दोन वर्षांनी केली जाते. २०१६ मध्ये मॉस्कोमध्ये रिलीज करण्यात आलेल्या एका रिपोर्टनुसार, या नेत्यांच्या शवांना पहिल्यांदा एम्बामिंग करण्यासाठी साधारण २ लाख डॉलर म्हणजेच १ कोटी ४१ लाख रूपये खर्च आला होता.