लग्नाच्या आणि घटस्फोटाच्या अनेक अजब अजब घटना नेहमीच समोर येत असतात. काही घटना इतक्या धक्कादायक असतात की, त्यांवर सहज विश्वासही बसत नाही. घटस्फोटाच्या अनेक अजब कारणांच्या घटनाही लोकांचं लक्ष वेधून घेत असतात. अशाच एका घटनेबाबत आज आम्ही तुम्हाला सांगणार आहोत. एका कपलने लग्नाच्या तीन मिनिटांनंतर घटस्फोट घेतला. लग्न झाल्यावर लगेच 3 मिनिटांनंतर घटस्फोट घेतल्याची घटना तुम्ही याआधी कधी ऐकली नसेल. सध्या या घटनेची चर्चा सोशल मीडियावर सुरू आहे. या घटस्फोटाचं कारणही तसंच अजब आहे.
तीन मिनिटांचं लग्न
इंडिपेंडेंटच्या एका रिपोर्टनुसार, कुवेतमध्ये लग्न समारंभातून बाहेर पडताच नवरदेवाने नवरीचा अपमान केला, जो नवरीला अजिबात सहन झाला नाही. ज्यामुळे त्यांच्या तिथेच वाद झाला. वाद इतका वाढला की, दोघांनी घटस्फोट घेतला. हे लग्न कुवेतमधील सगळ्यात कमी वेळ चाललेलं लग्न म्हटलं जात आहे. सोशल मीडियावर व्हायरल बातम्यांनुसार कपलने लग्न झाल्याच्या तीन मिनिटांनंतर लगेच घटस्फोट घेतला.
काय होतं कारण?
मेट्रोच्या एका रिपोर्टनुसार, जेव्हा कपल रितीरिवाज पार पडल्यावर कोर्ट हाऊसमधून बाहेर आलं तेव्हा नवरीचा पाय अचानक घसरला. ज्यामुळे नवरी खाली पडली. नवरी पडताच नवरदेवाने तिला मूर्ख म्हटलं. नवरदेवाच्या या बोलण्याचा नवरीला चांगलाच राग आला आणि यानंतर दोघांमध्ये वाट पेटला. अशात नवरी लगेच कोर्ट हाऊसमध्ये परत गेली आणि तिने न्यायाधीशांना लग्न रद्द करण्यासाठी सांगितलं. नवरीचं बोलणं ऐकून आधी न्यायाधीश हैराण झाले, पण नंतर काही मिनिटात सहमतीने दोघांचं लग्न रद्द करण्यात आलं.
दरम्यान, सोशल मीडिया प्लॅटफॉर्म X वर एका यूजरने लिहिलं की, "मी एका लग्नात गेलो होतो, जिथे नवरदेवाने आपल्या मनोगतात नवरीची खिल्ली उडवली होती. त्या नवरीने सुद्धा हेच असंच करायला पाहिजे होतं".
घटस्फोटाची ही काही अशी पहिलीच घटना नाही. ब्रिटनमध्ये 2004 मध्ये एक कपलने लग्नाच्या 90 मिनिटांनंतर घटस्फोट घेतला होता. याचं कारण हे होतं की, महिलेला पतीचं त्याच्या मैत्रिणींसोबत जास्त क्लोज वागणं आवडलं नव्हतं.