जगातील प्रत्येक व्यक्तीला वाटत असतं की, ते सुंदर दिसावे. त्यामुळे काही लोक सुंदर दिसण्यासाठी काहीही करायला तयार होतात. कधी कधी तर लोक सुंदर दिसण्यासाठी काही उपाय करतात, पण तो उपाय त्यांना महागात पडतो. पण जेव्हा लोकांच्या डोक्यात सुंदर दिसण्याचं भूत शिरतं तेव्हा त्यांना काही समजत नसतं. एका मॉडलने वेगळं दिसण्यासाठी हिपची सर्जरी करण्यात २० लाख रूपये खर्च केले. पण या सर्जरीमुळे तिचं जगणं कठिण झालं आहे.
एका रिपोर्टनुसार, फ्ल्रोरिडाच्या एका मॉडलला खूप प्रयत्न करूनही तिला हवं तसं शरीर मिळालं नाही. अशात तिने सर्जरीची मदत घेण्याचा विचार केला. पण सर्जरी झाल्यावर ही मॉडल हिपच्या मदतीने बसूच शकत नाहीये. या समस्येमुळे तिला प्रत्येक काम उभं राहून करावं लागत आहे. इतकंच काय तर टॉयलेटमध्येही तिला उभं राहूनच फ्रेश व्हावं लागतं.
असं असलं तरी हे वाचून तुम्हाला आश्चर्य वाटेल की, मॉडल म्हणाली तिला तिच नवं रूप बदलायचं नाहीये. कारण तिच्यासाठी ते फायदेशीर ठरत आहे. या म़ॉडलचा दावा आहे की, तिचं उत्पन्न २५ हजार डॉलर प्रति महिन्यावरून आता २ लाख डॉलर प्रति महिना झालं आहे. या वर्षाच्या सुरूवातीलाच एका महिलेने खुलासा केला होता की, कशाप्रकारे तिने परफेक्ट फीगरसाठी इंजेक्शनवर १० हजार डॉलर खर्च केले. पण तरीही परिणाम अपेक्षेप्रमाणे नाही.