सामान्यपणे कुणीही एखाद्या सुंदर महिलेसोबत डेटवर गेल्यावर चांगलं वागतात. महिलेला इम्प्रेस करण्याची कुणी कसरही सोडत नाही. कारण छोट्या छोट्या गोष्टी तरूणींना खूप आवडतात. यानंतरच त्या ठरवतात की, हे रिलेशन पुढे सुरू ठेवायचं किंवा नाही. पण ऑस्ट्रेलियाच्या पर्थमध्ये राहणाऱ्या 28 वर्षीय डॅशा डेले (Dasha Daley) सोबत डेटवर फारच वाईट झालं. ती ज्या तरूणासोबत डेटवर गेली होती त्याने जेवण केलं आणि नंतर तिथून गायब झाला.
डॅशा आपल्या ओन्लीफॅन्स अकाउंटवर फारच ग्लॅमरस फोटो शेअर करत असते. ज्यामुळे तिचे फॅन्स खूश असतात. सोबतच यातून डॅशाची कमाई सुद्धा होते. डॅशाने सांगितलं की, ती 22 वर्षीय एका प्लंबरसोबत नुकतीच डेटवर गेली होती. ही त्याच्यासोबत तिची पहिलीच डेट होती. दोघांनी सोबत जेवण केलं. त्यानंतर तरूण वॉशरूमला जाण्याचं कारण सांगत तिथून गायब झाला. बराच तो होऊनही तो परत आलाच नाही.
दरम्यान हॉटेलच्या वेटरने डॅशाला जेवणाचं बिल दिलं. डॅशा तरूणाची वाट बघत होती. पण तो काही परतला नाही. अशात तिने एकटीने जेवणाचं बिल भरलं. या घटनेमुळे डॅशा रागात होती. ती म्हणाली की, काही वेळाने मला जाणीव झाली की, तो तरूण जेवण करून पळून गेला. तो परत येणार नाही.
बिल दिल्यानंतर डॅशा जेव्हा घरी परतली तेव्हा ती या घटनेबाबत आपल्या फॅन्सकडे तक्रार करत होती. डॅशाने फॅन्सना सांगितलं की, जेवणाचं बिल 16 हजार 600 पेक्षा जास्त होतं. मला खूप राग येत होता. त्याने मला मेसेजही केला नाही. कुणी डेटवर असं करतं का? यावर लोकांनी वेगवेगळ्या कमेंट करून तिला वेगवेगळे सल्ले दिले.