प्रेम व्यक्त करण्यासाठी क्रिएटीव्हिटीचा तडका लावणं आजकाल सामान्य बाब झाली आहे. काही लोक प्रपोज करण्यासाठी डोंगरावर चढतात, काही लोक समुद्राच्या जाऊन आपल्या मनातील भावना व्यक्त करतात. कधी कधी असं करणं महागातही पडतं. ऑस्ट्रेलियातील एका तरूणासोबत असंच झालं. या तरूणाने गर्लफ्रेन्डला प्रपोज करण्यासाठी वेगळी आयडिया केली. जी त्याच्या जीवावर बेतली असती.
हॉस्पिटलमध्ये करावं लागलं दाखल
'डेली स्टार' च्या रिपोर्टनुसार, या तरूणाच्या गर्लफ्रेन्डने त्या दिवशीची पूर्ण कहाणी एका टीव्ही शोमद्ये सांगितली. ती म्हणाली की, तिचा बॉयफ्रेन्ड तिला प्रपोज करणार होता आणि यासाठी त्याने खास तयारी केली होती. पण तिला या तयारीबाबत आधीपासून काही माहिती नव्हतं. प्रपोजच्या दिवशीच तिला बॉयफ्रेन्डचा कारनामा समजला आणि दोघांनाही हा खास दिवस हॉस्पिटलमध्ये घालवावा लागला.
काय केला त्याने कारनामा?
तरूणानं त्याच्या गर्लफ्रेन्डसाठी एका अंगठी खरेदी केली होती आणि ती देऊन तो तिला प्रपोज करणार होता. सामान्यपणे लोक रिंग देऊन आपल्या पार्टनरला प्रपोज करतात. पण त्याने जास्तीचा कारभार केला. त्याने अंगठी प्रायव्हेट पार्टमध्ये अडकवली. इथेच तो फसला.
गर्लफ्रेन्डने टीव्ही शोमध्ये सांगितलं की, जशी बॉयफ्रेन्डने पॅंटची चेन उघडली तर त्याची स्कीन चेनमध्ये अडकली. यानंतर तो वेदनेने ओरडत होता. दोघांनी चेन व्यवस्थित करण्याचा प्रयत्न केला. पण काही यश आलं नाही. अशात तरूणी बॉयफ्रेन्डला घेऊन हॉस्पिटलमध्ये गेली. तिथे डॉक्टरांनी प्रायव्हेट पार्टमधून रिंग काढून दिली.
गर्लफ्रेन्डनं झापलं
या कारनाम्यासाठी गर्लफ्रेन्डने बॉयफ्रेन्डला चांगलंच झापलं. ती म्हणाली की, 'पूर्ण रात्र आम्ही हॉस्पिटलमध्ये होतो. दुसऱ्या दिवशी मी त्याला फार रागावलं. मी त्याला म्हणाली की, मी माझ्या पॅरेट्सना आणि मित्रांना काय सांगितलं असतं की, तु मला कसं प्रपोज केलं?'. ती म्हणाली की, तिची इच्छा आहे की, आनंदाने संसार करायचा, मुलं व्हावीत. पण जर बॉयफ्रेन्डने भविष्यात असा काही कारनामा केला तर कदाचित तिची इच्छा पूर्ण होणार नाही.