प्रसिद्धी मिळवण्याच्या नादात काही लोक नको नको ते करतात. असेच कारनामे करणाऱ्या लोकांची नावे गिनीज बुक ऑफ वर्ल्ड रेकॉर्डमध्ये (Guinness World Record) नोंदवली जातात. त्यानंतर त्यांना आंतरराष्ट्रीय स्तरावर प्रोत्साहन मिळतं. अशात आता गिनीज बुक ऑफ वर्ल्ड रेकॉर्डकडून एक व्हिडीओ जारी करण्यात आला. ज्यात एक व्यक्ती त्याच्या दाढीने एका महिलेला उचलताना दाखवला आहे.
गिनीज वर्ल्ड रेकॉर्ड्सने या व्हिडीओच्या कॅप्शनला लिहिलं की, 'एंटानास कोंट्रीमासने दाढीने आतापर्यंतचं सर्वाज जड वजन उचललं. या व्हिडीओने सध्या सोशल मीडियावर धुमाकूळ घातला आहे.
या व्हिडीओत दिसत असलेल्या महिलेचं वजन ६३ किलोपेक्षा जास्त होतं. आता हा व्हिडीओ सोशल मीडियावर व्हायरल झाला आहे. ज्यावर लोक वेगवेगळ्या प्रतिक्रिया देत आहेत. आपल्या दाढीने सर्वात जड वजन उचलणारे एंटानास कोंट्रीमासच्या या व्हिडीओ क्लीपने नेटिझन्सचं लक्ष वेधून घेतलं आहे.
गिनीज बुक ऑफ वर्ल्ड रेकॉर्ड्स या संस्थेकडून नेहमीच हैराण करणारे व्हिडीओ शेअर केले जातात. जे बघून कधी आश्चर्य तर कधी भीती वाटते. कारण लोक अनेक विचित्र गोष्टींचेही रेकॉर्ड्स बनवतात. हा रेकॉर्डही त्यापैकीच एक आहे.