Girl Stolen Money: अनेकदा जेव्हा लोक पार्टी किंवा इतर ठिकाणी जातात तेव्हा त्यांना अनोळखी व्यक्तींबाबत आकर्षण वाटतं. हे महिला आणि पुरूष दोघांमध्येही बघायला मिळतं. अशात काही लोक कशाचाही विचार न करता त्यांच्याबाबत मोठं पाउल उचलतात. पण हे घातकही ठरू शकतं. अशीच एक घटना समोर आली आहे. एक व्यक्ती एका नाइट क्लबमध्ये गेली आणि तिथे एका तरूणीसोबत ओळख झाली. त्यानंतर त्याने तिला घरी बोलवलं. ती तरूणी घरी तर आली, पण त्या व्यक्तीचं इतकं नुसकान झालं की, तो आयुष्यभर विसरणार नाही.
फॉक्स न्यूजच्या एका रिपोर्टनुसार, ही घटना फ्लोरिडाच्या मियामीमधील आहे. मियामी पोलीस एका महिलेचा शोध घेत आहेत. आरोप आहे की, या महिलेने मियामीमधील एका व्यक्तीला नशेचा पदार्थ दिला, त्यानंतर त्याच्या तिजोरीमधून मौल्यवान वस्तू गायब केल्या. यात दागिने, रोख रक्कम आणि महागडी घड्याळं यांचा समावेश आहे. हे सगळं मिळून साधारण 5 कोटी रूपयांचा ती चुना लावून गेली. हे सगळं तिने त्या व्यक्तीच्या घरी गेल्यावर केलं.
पोलीस रिपोर्टमध्ये सांगण्यात आलं आहे की, ही घटना सकाळी घडली जेव्हा ती व्यक्तीच्या घरातून परत येत होती. या व्यक्तीला ही तरूणी एका नाइट क्लबमध्ये भेटली होती आणि त्याने तिला घरी बोलवलं होतं. असं सांगण्यात आलं की, ही तरूणी या व्यक्तीच्या घरी रात्री गेली होती आणि सकाळी ती जाताना दिसली. तेव्हा ती एकटीच होती. जेव्हा घरातील व्यक्ती शुद्धीवर आली तेव्हा तिजोरी रिकामी होती.
यादरम्यान महिलेने तिजोरी रिकामी केली होती. पोलिसांनी सांगितलं की, महिलेने व्यक्ती नशेचा पदार्थ दिला आणि त्याला बेशुद्ध केलं. ती बाहेर निघण्याआधी व्यक्तीने महिलेसोबत एक ड्रिंक घेतलं होतं. सकाळी उठून पाहिलं तर तिजोरीतील वस्तू गायब होत्या. त्यानंतर त्याने पोलिसांना फोन केला. सीसीटीव्ही फुटेजमध्ये दिसत आहे की, ही व्यक्ती महिलेसोबत येताना दिसत आहे. पण जेव्हा ती परत गेली तेव्हा ती एकटी होती.
तिचं फुटेज बिल्डींगमधील एका सीसीटीव्ही कॅमेरात कैद झालं आहे. फुटेजमध्ये महिला जीन्स जॅकेटसोबत पांढऱ्या रंगाच्या टॉपमध्ये आणि मिनीस्कर्टमध्ये दिसत आहे. तिच्या हातात गुलाबी केस असलेला आयफोन आहे. लिफ्टमधून बाहेर येताना तिच्या हातात एक कपही दिसत आहे. पण जेव्हा ती आत गेली तेव्हा तिच्या हातात हा कप नव्हता. पोलीस तिचा शोध घेत आहेत.