ब्रेकअप झालं तर काही लोक ते सहन करू शकतात तर काही लोक असेही असतात जे एक्स पार्टनरला त्रास देण्यासाठी नको नको ते उद्योग करतात. असंच काही एका तरूणासोबत झालं. त्याच्या गर्लफ्रेन्डने ब्रेकअपनंतर त्यांची पोल बॉससमोर खोलली. गर्लफ्रेन्डने तरूण कामावेळी काय काय चलाखी करतो याबाबतची पोल बॉससमोर खोलली.
सोशल मीडियावर एका तरूणाने सांगितलं की, कशाप्रकारे त्याने त्याच्या कामावेळी चीटिंग केली आणि ८ तासांचं काम २ तासात संपवून ५ तास मजा केली. वर्क फ्रॉम होमदरम्यान ऑटोमेशन टेक्नीकचा वापर करून कशाप्रकारे मजा केली. तो म्हणाला की, तो नेहमीच त्याच्या कामात तरबेज होता आणि इतर सहकाऱ्यांच्या तुलनेत लवकर काम करत होता. तो म्हणाला की, त्याने जास्तीत जास्त असे रिपोर्ट लिहिले ज्यांची कॅल्क्यूलेशन सारखीच होती आणि त्याने त्यात त्याने बऱ्याच गोष्टी सेम केल्या. (हे पण वाचा ; गायक गुरू रंधावाची फॅन लग्नाच्या १५ दिवसाआधी झाली फरार, वाचा काय आहे भानगड)
त्याने सोशल मीडियावर सांगितलं की, त्याने ही चलाखी कशी केली. तो म्हणाला की, 'मी एक मोठा डेटाबेस तयार केला. तो मायक्रोसॉफ्ट एक्सलसोबत कनेक्ट केला आणि एक्सेलला सर्वकाही कॅल्क्यूलेट करू दिलं. ज्यानंतर त्याने सगळंकाही ऑटोमेट करून मायक्रोसॉफ्ट वर्डमध्ये एक्सपोर्ट केलं. ज्यामुळे तो सगळं काम २ तासात करत होता. तेच काम इतर लोक ८ तास करत होते'.
गर्लफ्रेन्डने केली पोलखोल
तरूणाने त्याची ही चलाखी त्याच्या गर्लफ्रेन्डला सांगितली होती. ती त्याच कंपनीत कामाला होती. त्याने लिहिलं की, 'काही दिवसांनी मी तिच्यासोबत ब्रेकअप केलं. ब्रेकअपच्या दोन दिवसांनंतर मला HR ने बोलवलं. त्याने मला गेल्या काही दिवसातील माझ्या अॅक्टिविटीचे स्क्रीनशॉट्स दाखवले. ज्यात ट्रेंडींग बातम्या वाचणे, यूट्यूब बघणे यांसारख्या अॅक्टिविटी होत्या. सोबतच त्याने मला एक टॅली रिपोर्टही दाखवला ज्यात मी किती तास काम केलं आणि किती तास टाइमपास हे होतं'. (हे पण वाचा : गर्लफ्रेन्डच्या रूममध्ये बॉयफ्रेन्डला दिसलं असं काही, त्यानेच झाला तिचा भांडाफोड!)
गर्लफ्रेन्डने HR ला सगळं सांगितलं
त्याने पुढे सांगितलं की, जेव्हा मी स्मोक करायला बाहेर गेलो होतो, तेव्हा माझ्या गर्लफ्रेन्डने मायक्रोसॉफ्ट स्काइपच्या माध्यमातून माझी स्क्रीन शेअर केली. दिवसभरातील माझ्या सर्व कामाला रेकॉर्ड केलं आणि नंतर तो रिपोर्ट एचआर दिला. तरूण पश्चाताप करत म्हणाला की, मला खरंच आपल्या वर्किंग हावरमध्ये काम करायला हवं होतं. मला माझ्या एक्स गर्लफ्रेन्ड इम्प्रेस करण्याचा प्रयत्न करायला नको होता'.