पत्नीला सोडून पतीला प्रेयसीसोबत होतं रहायचं, स्वत:च्या निधनाचं रचलं नाटक; असा झाला भांडाफोड

सोशल मीडियावर एका महिलेने आपल्या पतीच्या एका अशाच कारनाम्याचा खुलासा केला. महिलेने दावा केला की, केवळ आपल्या प्रेयसीसोबत रहायला मिळावं म्हणून पतीने आत्महत्येचं नाटक केलं.

एका पत्नीसाठी तिचा पती या जगातून जाणं ही फार त्रास देणारी बाब असते. ज्या पतीने सात जन्म सोबत राहण्याची शपथ घेतलेली असते, तो असाच मधे सोडून गेला तर पत्नीचं जगणं अवघड होऊन बसतं. काळानुसार पत्नीला एकटं जगण्याची सवय करावी लागते. एखाद्या कारणाने पतीचं निधन झालं आणि पत्नीला एकटं रहावं लागलं हे वेगळं, पण जर एखाद्या पत्नीला पतीच्या निधनाच्या नाटकामुळे आयुष्यभर विधवा म्हणून रहावं लागत असेल तर काय?

सोशल मीडियावर एका महिलेने आपल्या पतीच्या एका अशाच कारनाम्याचा खुलासा केला. महिलेने दावा केला की, केवळ आपल्या प्रेयसीसोबत रहायला मिळावं म्हणून पतीने आत्महत्येचं नाटक केलं. महिलेला विश्वास बसला होता की, तिच्या पतीचं निधन झालं. पण अचानक तिला समजलं की, तिचा पती त्याच्या प्रेयसीसोबत मेक्सिकोमध्ये आनंदाने जगत आहे.

कॅलिफोर्नियाच्या सॅन डिएगोमधील ही घटना आहे. इथे राहणाऱ्या अनेसा रोस्सीचं लग्न टीम नावाच्या व्यक्तीसोबत झालं होतं. नंतर दोघांमध्ये काही कारणाने वाद झाला. ज्यानंतर पाच महिने दोघे वेगवेगळे राहिले होते. यादरम्यान अनेसाला समजलं की, तिच्या पतीने गळफास घेऊन आत्महत्या केली. आपल्या पतीच्या निधनाची बातमी समजल्यावर अनेसाला आपल्या रागाचा पश्चाताप झाला. ती दु:खात होती. नातेवाईकांसाठी शोकसभेचंही आयोजन करत होती. पण अशातच तिच्यासमोर सत्य आलं ज्यामुळे ती हैराण झाली.

महिलेला जेव्हा पतीचं सत्य समजलं तेव्हा तिला चांगलाच धक्का बसला. अनेसानुसार, तिचा पती इतके दिवस मेक्सिकोमध्ये त्याच्या 6 वर्ष जुन्या प्रेयसीसोबत राहत होता. आपल्यासोबत झालेल्या या घटनेची माहिती अनेसाने सोशल मीडियावरून दिली. दोघांचाही घटस्फोट झाला नव्हता, अशात अनेसाच त्याची कायदेशीर पत्नी मानली जाईल. तेच ही घटना समोर आल्यानंतर तिचा पती टीम याने तिच्या व्हिडीओवर कमेंट केली. टीम म्हणाला की, त्याने कधीच त्याच्या निधनाची अफवा पसरवली नाही. त्याने सांगितलं की, अनेसा त्याला घटस्फोट देत नव्हती. सोबत दोघांमध्ये मोठी भांडणं होत होती. त्यामुळे तो अनेसापासून दूर मेक्सिकोमध्ये राहत होता. अनेसा जे काही व्हिडिओत बोलली ते सगळं खोटं आहे.