व्हिएतनामची राजधानी हनोईमधील एक हॉटेल सध्या चर्चेत आहे. कारण हे हॉटेल पूर्णपणे सोन्याने बनलं आहे. या हॉटेलमधील टॉयलेटही सोन्याने बनले आहेत. हॉटेलमधील बाथटब, लॅम्प आणि भिंतीही सोन्याने तयार केल्या आहेत. हॉटेलमधील रूमच्या बुकिंगची सुरूवात 9 हजार रूपयांपासून होते.
Dolce by Wyndham Hanoi Golden Lake नावाचं हे हॉटेल व्हिएतनामची राजधानी हनोईच्या उत्तरेत आहे. या हॉटेलमध्ये जे कुणी थांबतात त्यांना शाही सेवा दिली जाते. या फाइव्ह स्टार हॉटेलमधून शहराचा शानदार नजारा बघायला मिळतो.
डेलीस्टारच्या रिपोर्टनुसार, या हॉटेलमध्ये रेस्टॉरन्ट, फिटनेस सेंटर, बार, लॉन्ज आणि बिझनेस सेंटरसारख्या अत्याधुनिक सुविधा आहेत. त्याशिवाय 24 तास करन्सी चेंजची सुविधा आणि रूम सेवा मिळते.
हॉटेलमधील ज्या रूम्स आहेत, त्याच्या आत सोन्याचा बाथटब, सोन्याचे सिंक, सोन्याचं टॉयलेट आणि खिडक्यांवर सोन्याच्या फ्रेम आहे. या हॉटेलमधील स्टाफ इंग्रजीसोबत सहा भाषा बोलतात.
त्याशिवाय शहरातील Bach Ma Temple, Hanoi Opera House, The Imperial Citadel Of Thang Long बघण्यासारखी ठिकाणं आहेत. तसेच स्ट्रीटफूड आवडणाऱ्यांसाठी Dong Xuan Market आहे.
या हॉटेलबाबत अनेक पर्यटकांनी कौतुक केलं आहे. एका यूजरने लिहिलं की, हे हॉटेल खूप शानदार आहे आणि तुमची स्वप्ने पूर्ण करतं. इथे सगळंकाही सोन्याचं आहे आणि मनमोहक आहे.