या जगात एकापेक्षा एक चित्रविचित्र आवडी असणाऱ्या व्यक्ती असतात. आता कझाकिस्तानमधील या तरुणीचंच पाहा. तिचे सोशल मीडियावर कोट्यवधी चाहते आहेत. डेटिंग सोडा, आता तिला एक सच्चा लाईफ पार्टनर हवा आहे. तिला कुठला डॅशिंग लूक असलेला तरुण नकोय, तर एखादा ढेरपोट्या पती हवा आहे. ही गोष्ट ऐकून तुम्हालाही धक्का बसला ना. पण हे खरं आहे. मात्र त्यासाठी या तरुणीनं जी अट ठेवली आहे. तिची पूर्तता करणं कुण्या ऐऱ्या गैऱ्याचं काम नाही आहे.
डेली स्टारमध्ये प्रकाशित झालेल्या एका रिपोर्टनुसार कझाकिस्तानमधील मदिना ममादालिएवा दर महिन्याला सुमारे ४० ते ५० लाख रुपयांची कमाई करते. आता तिचा खर्चही वाढलेला आणि हायफाय असणं साहजिकच आहे. त्यामुळेच तिला तरुणांच्या फिगरमध्ये काहीही स्वारस्य नाही आहे. तिला केवळ एक असा पती हवा आहे जो तिची लॅविश लाइफस्टाइल अफॉर्ड करू शकेल. मात्र मदीनानं हेही स्पष्ट केलंय की, पती लठ्ठ असला तरी हरकत नाही. मात्र त्याची कमाई ही बेकायदेशीर असता कामा नये. तिला जीवनाच्या या टप्प्यावर शाही लाईफस्टाइल आणि समाधानी जीवन जगायचं आहे.
मदीनाची भावी पतीसाठी आणखीही एक अट आहे. ती म्हणजे पती हा पैसेवाला असावा, सोबतच तो काळजी घेणाराही असावा. त्याचं इन्स्टाग्राम अकाऊंट असता कामा नये. म्हणजेच तिच्या पतीची माहिती तिला वाटेपर्यंत सिक्रेट राहिली पाहिजे. जगात तिच्याशिवाय इतर कुणालाही ही माहिती असता कामा नये. त्यानंतर तिला वाटेल तेव्हा ती याबाबत पतीला सांगेल. मात्र मदीना हिचं स्वत:चं इन्स्टाग्राम अकाऊंट मात्र आहे. तसेच तिचे लाखो फॉलोअर्सही आहेत. मात्र तिच्या पतीने मात्र या प्लॅटफॉर्मपासून दूर राहावं, अशी तिची अपेक्षा आहे.