Romantic Dinner With Partner: पार्टनरसोबत रोमॅंटिक डीनर डेटला जाणं कुणालाही आवडेल. यादरम्यान लोक आपल्या आवडीच्या डीश ऑर्डर एकमेकांसोबत क्वालिटी टाइम स्पेंड करतात. पण नुकतंच एका महिलेने पार्टनरसोबत असं काही केलं की, तिचा कारनामा व्हायरल झाला. या महिलेने पार्टनरला डीनर डेटला नेलं आणि आपल्या गुडघ्याच्या भाग डिनरमध्ये खाऊ घातला.
ही घटना स्पेनमधील आहे. मीडिया रिपोर्ट्सनुसार, काही दिवसांआधीच या महिलेच्या गुडघ्याचं ऑपरेशन झालं होतं. या ऑपरेशनच्या माध्यमातून तिच्या गुडघ्याचा एक भाग काढण्यात आला होता. याला मेनिस्कस म्हटलं जातं. असं सांगण्यात आलं की, महिलेने हाच भाग आपल्या पार्टनरला खाऊ घातला. या महिलेचं नाव पाउला गोनू असून ती 30 वर्षांची आहे.
असं सांगण्यात आलं की, महिला एक सोशल मीडिया इंफ्लुएंसर आहे. काही दिवसांआधीच तिच्या गुडघ्याला इजा झाली होती आणि ऑपरेशन करून तिचा मेनिस्कस काढण्यात आला होता. मेनिस्कस घरी घेऊन जाण्याचा ऑप्शन डॉक्टरांनी दिला होता. महिलेने मेनिस्कस खराब होऊ नये म्हणून तो दारूमध्ये टाकून ठेवला होता. साधारण एक आठवड्यानंतर तिने या अवयवाचा स्पेगेटी बनवून पार्टनरला खाऊ घातला आणि स्वत:ही खाल्ला.
हैराण करणारी बाब म्हणजे महिलेने हे सगळं मुद्दामहून केलं होतं. तिने स्वत: सांगितलं की, तिला मेनिस्कस खायचा होता. कारण तो अवयव तिच्या शरीराचा भाग होता. ती असंही म्हणाली की, जर लोक जनावरांची हाडे खाऊ शकतात तर मग हा तर तिच्या शरीराचा भाग होता. ही घटना समोर आल्यावर लोक तिच्यावर टिका करत आहेत.