लैंगिक क्षमता वाढवण्यासाठी लोक नको नको ते उपाय करतात आणि मग त्यांना ते उपाय असे काही महागात पडतात की विचारू नका. आता हेच बघा ना...मुंबईतील एका व्यक्तीने लैंगिक उत्तेजना वाढवण्यासाठी केलेला उपाय त्याच्या जीवावर बेतला असता. पण सुदैवाने जेजे हॉस्पिटलमध्ये डॉक्टरांनी त्याचा जीव वाचवला.
झालं असं की, एका व्यक्तीने लैंगिक क्षमता वाढवण्यासाठी लोखंडाच्या एका रिंगचा वापर केला होता. पण त्याचं गुप्तांग ३ एमएमच्या रिंगमध्ये अडकलं होतं. इतकं की, थेट सर्जरी करूनच या व्यक्तीचं गुप्तांग त्या लोखंडी रिंगमधून काढण्यात आलं. आश्चर्याची बाब म्हणजे यासाठी PWD च्या एका कर्मचाऱ्याचीही मदत घेण्यात आली. त्याने गॅस कटर मदतीने ही रिंग कापून बाजूला केली.
नवभारत टाइम्सच्या वृत्तानुसार, डॉक्टरांनी सांगितले की, मुंबईत राहणाऱ्या एका व्यक्तीने लैंगिक उत्तेजना वाढवण्यासाठी एका मेटल रिंगचा वापर सुरू केला होता. दरम्यान त्याचं गुप्तांग या रिंगमध्ये अडकलं होतं. त्याने आधी तर याबाबत घरातील लोकांना काही सांगितलं नाही. त्याला वाटले तो काहीतरी उपाय करून ही समस्या दूर करेल, पण तसं झालं नाही त्याची स्थिती मंगळवारी अधिकच बिघडली. त्याला जोरदार वेदना होऊ लागल्यावर तो जेजे हॉस्पिटलमध्ये दाखल झाला.
जेजे हॉस्पिटलमध्ये यूरॉलॉजी विभागातील चिकित्सकांनी आधी रिंग वेगवेगळ्या पद्धतीने काढण्याचा प्रयत्न केला. पण जेव्हा काहीच फायदा होताना दिसला नाही तेव्हा हॉस्पिटलच्या चिकित्सकांनी PWD च्या एका अधिकाऱ्याची मदत घेतली. रात्री उशीरा एका PWD कॉन्ट्रॅक्टरला हॉस्पिटलमध्ये बोलवण्यात आलं आणि फारच काळजीपूर्वक रिंग कापून गुप्तांगापासून वेगळी करण्यात आली. चिकित्सकांनी सांगितले की, या व्यक्तीचा जीव वाचवण्यासाठी एक मेजर सर्जरी करण्यात आली.