सासूसाठी सूनबाई शोधतेय बॉयफ्रेन्ड, दोन दिवसांसाठी 'त्या' व्यक्तीला मिळतील ७२ हजार रूपये!

आश्चर्याची बाब म्हणजे सासूबाईसाठीचा हा जोडीदार आयुष्यभरासाठी नव्हे तर फक्त दोन दिवसांसाठीच हवा आहे. इतकंच नाही तर जोडीदाराला दोन दिवसांचे पैसेही मिळणार आहेत.

सोशल मीडियाचे वेगवेगळे प्लॅटफॉर्म हे आता जोड्या बनवण्यासाठी मोठ्या प्रमाणात वापरले जातात. सोशल मीडियावर जोडीदार हवा अशा जाहिरातीही बघायला मिळतात. अशात एका महिलेची पोस्ट फारच चर्चेचा विषय ठरत आहे. कारण यात एका सूनेने (Daughter in law) आपल्या सासूबाईसाठी (Mother in law) जोडीदार हवा अशी जाहिरात दिली आहे. म्हणजे एक सून तिच्या सासूसाठी जोडीदार (Daughter in law advertise for mother in law) शोधत आहे. आश्चर्याची बाब म्हणजे सासूबाईसाठीचा हा जोडीदार आयुष्यभरासाठी नव्हे तर फक्त दोन दिवसांसाठीच हवा आहे. इतकंच नाही तर जोडीदाराला दोन दिवसांचे पैसेही मिळणार आहेत.

अमेरिकेच्या (America) न्यूयॉर्कमधील (New York) एका महिलेनं तिच्या ५१ वर्षांच्या सासूला बॉयफ्रेंड हवा असल्याची जाहिरात दिली आहे. त्यात तिने हे स्पष्टपणे हे सांगितलं आहे की, सासूसाठी बॉयफ्रेन्ड आयुष्यभरासाठी नाही तर दोन दिवसांसाठीच हवा आहे. दोन दिवसांसाठी सासूचा बॉयफ्रेन्ड होणाऱ्या व्यक्तीला एक हजार डॉलर्स म्हणजे तब्बल ७२ हजार रुपयांचीही ऑफर दिली आहे.

आता तुम्ही म्हणाल असं कसं? तर झालं असं की, जाहिरात देणाऱ्या सूनेला एका लग्नाला जायचं आहे. या लग्नात तिला सासूलाही सोबत न्यायचं आहे. आणि सासू एका कपलप्रमाणे लग्नात यावी असं तिला वाटतं. महिलेनं सांगितलं की, ऑगस्टमध्ये हडसन वॅलीत होणाऱ्या एका लग्नासाठी शुक्रवारी सायंकाळीपासून ते शनिवारी सायंकाळपर्यंत आपण आपल्या सासूसाठी बॉयफ्रेंडच्या आहेत. 

कसा असावा सासूचा बॉयफ्रेन्ड?

सासूसाठी कशाप्रकारचा बॉयफ्रेन्ड हवा हेही या महिलेनं सांगितलं. महिलेनुसार, या व्यक्तीचं वय ४० ते ६० वर्षांच्या दरम्यान असावं. तो चांगला डान्स करता यायला हवा, त्याला चांगलं बोलताही यायला हवं. आपली सासू पांढऱ्या रंगाचे कपडे घालेल. सासूच्या या दोन दिवसीय बॉयफ्रेंडला तिच्यासोबत एका कपलसारखं राहण्याचं नाटक करावं लागेल. त्या बॉयफ्रेंडने आपल्या सासूची काळजी घ्यावी, असं तिनं जाहिरातीत सांगितलं.