अनेकांसोबत विचित्र गोष्टी घडल्याच्या अनेक घटना सोशल मीडियावर व्हायरल (Social Media Viral) होत असतात. असाच एक विचित्र, भयानक प्रकार समोर आला आहे. टॉयलेटमध्ये गेल्यावर कमोड उघडल्यावर फ्लोरिडामधील एका व्यक्तीला एक प्राणी सरपटताना दिसला. तो प्राणी इतका भयानक होता की त्याने ते पाहताक्षणी तिथून पळ काढला.
हा दिसायला अतिशय विचित्र असणारा सरपटणारा प्राणी टॉयलेट पॉट उघडताच अचानक आतल्या आत उड्या मारु लागला. त्यानंतर त्या व्यक्तीने पॉट बंद करुन घेतला. या प्राण्याचे नाव रेप्टाईल (reptile) असून त्याला मराठीत घोरपड म्हणतात.
यूपीआय डॉट कॉमने दिलेल्या माहितीनुसार, सकाळी आपल्या बाथरुममध्ये गेलेल्या कर्ट हिल्बर्ट (Kurt Hilberth) यांनी टॉयलेट पॉटमध्ये सरपटणारा प्राणी पाहिला. त्यांनी सांगितलं, ती घोरपड इतकी मोठी होती, की ती त्या पाण्यात मावतही नव्हती. तिची शेपटी मागे-पुढे हलत होती. मी तिला पकडण्याचा प्रयत्नही केला, परंतु ती पॉटमध्ये आत-आत जात असल्याचं हिल्बर्ट यांनी सांगितलं.
काही वेळ घोरपडीला बाहेर काढण्याचा प्रयत्न केल्यानंतर त्यांनी अखेर बाहेरील सरपटणारे प्राणी पकडणाऱ्या व्यक्तीला बोलावलं. त्या घोरपडला पकडण्यासाठी येणारी माणसं येईपर्यंत टॉयलेट कमोड बंद ठेवण्यात आला होता. काही वेळाच्या प्रयत्नांनंतर शेवटी घोरपडीला यशस्वीरित्या बाहेर काढण्यात आलं.