(Image Credit : DailyMail)
कॅलिफोर्निया : अमेरिकेतील कॅलिफोर्नियामध्ये १९ वर्षीय मॉडेल आणि नर्स कटरीना एले जारूत्स्कीने शार्कसोबत स्वीमिंग करताना बहामासमध्ये फोटोशूट केलं होतं. पण शार्कसोबत केलेलं हे फोटोशूट या मॉडलला चांगलंच महागात पडलं. कारण हे फोटोशूट करत असताना एका शार्कने तिच्या हल्ला केला. यात तिचा हाताला चांगलीच इजा झाली आहे.
हे फोटोशूट कॅटरीनाच्या बॉयफ्रेन्डचे वडील करत होते. या ठिकाणी कॅटरीना ही बॉयफ्रेन्ड आणि त्याच्या कुटुंबियांसोबत वेळ घालवण्यासाठी गेली होती. त्यांना सांगण्यात आलं होतं की, इथे शार्कसोबत स्वीमिंग करणे सुरक्षित आहे. पण कॅटरीना आणि तिच्या सोबतच्या लोकांनी तेथील साईन बोर्डकडे लक्ष दिलं नाही. ज्यावर येथील शार्क धोकादायक असल्याचं लिहिलं होतं.
हा बोर्ड न पाहता कॅटरीना ही पाण्यात शार्कसोबत स्वीमिंग करण्यासाठी उतरली. या पाण्यात एक नाही तर अनेक शार्क होत्या. काही वेळातच मागून एक शार्क आली आणि त्या शार्कने कॅटरीनाच्या हाताला चावा घेतला. इतकेच नाहीतर ती शार्क कॅटरीनाला आत समुद्रात ओढूही लागली होती.
NBC News ला कॅटरीनाने दिलेल्या मुलाखतीत सांगितले की, 'माझं मनगट शार्कच्या तोंडात होतं. मला जाणवत होतं की, तिचे दात माझा हात पकडून आहेत. जसा तिने माझ्या हाताला तोंडात धरले तसा मी हाताला झटका मारला आणि तेथून दूर जाण्याचा प्रयत्न करू लागले'.
शार्कच्या कचाट्यातून हात सोडवल्यानंतर कॅटरीनाने मनगट जोरात दाबून धरलं आणि पाण्यातून बाहेर आली. जर तिने मनगट घट्ट पकडलं नसतं तर रक्तामुळे इतर शार्कही तिथे आल्या असत्या. सर्व शार्कनी तिच्यावर हल्ला केला असता. त्यानंतर तिला लगेच रुग्णालयात नेण्यात आले.