(photo credit: The Sun)
पैसा असला की माणसाला कसे चाळे सुचतात हे अनेकदा तुम्ही पाहिलं किंवा अनुभवलं असेल. पण आता आम्ही सांगत आहोत असा किस्सा कधी ऐकला आणि पाहिलाही नसेल. ब्रिटनच्या एका कोट्यधीश व्यक्तीचा तरुण मुलगी पत्नी म्हणून मिळवण्याचा आणि तिच्यापासून प्रॉपर्टीला उत्तराधिकारी मिळण्याचा शोध सुरु आहे. ७२ वर्षीय बेंजामिन स्लेडने एक वर्षांपासून सुरु केलेला हा पत्नीचा शोध सुरुच आहे.
बेंजामिनने एक वर्षांपूर्वी घोषणा केली होती की, त्याला पुन्हा एका चांगल्या पार्टनरसोबत सेटल व्हायचं आहे. पण त्याने हेही स्पष्ट केलं होतं की, त्याला कुणासोबतही नाही तर ड्रिम लेडीसोबत सेटल व्हायचं आहे. यासाठी त्यानी काही अटीही ठेवल्या आहेत.
बेंजामिनला हव्या असणाऱ्या आदर्श महिलेची उंची ५ फूच ६ इंचापेक्षा कमी असून नये आणि तिचं वय ३० ते ४० दरम्यान असावं. त्यांच्या या घोषणेनंतर चांगलाच वाद झाला होता. बेंजामिन हे सोमरसेटमध्ये १३व्या शतकातील एका आलिशान घरात राहतात.
सर बेंजामिन यांच्यानुसार, अनेक प्रयत्नांनंतरही त्यांना योग्य पार्टनर मिळाली नाहीये. कारण ज्या भेटल्या त्यातील काही जास्त वयाच्या होत्या तर काहींना मुलं नकोत. खरंतर त्यांच्या अटीही इतक्या विचित्र आहेत की, कदाचितच कुणी त्या पूर्ण करु शकेल.
बेंजामिननुसार, त्यांच्या पार्टनरकडे शॉटगन लायसन्स असावं. तसेच तिच्याकडे हेलिकॉप्टर लायसन्स असावं जेणेकरु ती त्यांना वेगवेगळ्या ठिकाणांवर फिरवू शकेल. बेंजामिननुसार, पत्नी एका डीलसारखी असते. जर तुम्हाला चीफ एक्झिक्यूटीव्ह असलेली पत्नी मिळाली तर हे डीलपेक्षा कमी नाहीये. एकाच किंमतीत तुम्हाला दोन गोष्टी मिळतात.
स्लेडने मुलाखतीमध्ये सांगितले की, जर आपण चीफ एक्झिक्यूटीव्ह नोकरीवर ठेवला तर त्याला कमीत कमी ६० हजार पाऊंड पगार द्यावा लागतो. तो लवकर नोकरी सोडूनही जातो कारण त्यांना अॅम्बिशन असतं. कोणताही महिला जर त्यांच्या या मागण्या पूर्ण करेल तिला ते ५० हजार पाऊंड पगार आणि बोनसही देणार आहेत.
आता बेंजामिन या पार्टनरच्या शोधात एक ट्विस्टही आणणार आहे. त्यांनी सांगितले की, आता त्यांना केवळ रोमान्स हवा आहे. आणि मुलींना वापरण्यासाठी क्रेडीट कार्ड मिळणार जेणेकरुन त्या शॉपिंग करु शकतील. त्यांनी जाहिरातीमध्ये लिहिले आहे की, मला माझ्या पार्टनरला Exotic ठिकाणांवर घेऊन जायचं आहे आणि चवदार पदार्थ खायचे आहेत.
बेंजामिन यांच्या या शोधावर लोक हैराणही आहेत आणि त्यांना चिमटेही काढत आहेत. एका ट्विटर यूजरने लिहिले की, या माणसाला ३५ वर्षांची बायको विकत घ्यायची आहे, जिच्याकडे ड्रायव्हिंग, शूटिंग आणि हेलिकॉप्टर लायसन्स असावे. आणि हे सगळं कशासाठी केवळ एक उत्ताराधिकारी जन्माला घालण्यासाठी!