यूपीच्या कानपूरमध्ये लग्नातील एक अजब घटना समोर आली आहे. नवरीने ऐनवेळी लग्न करण्यास नकार दिला. ती ब्यूटी पार्लरमध्ये जाण्याचं कारण सांगत फरार झाली. दुसरीकडे नवरदेव स्टेजवर तिची वाट बघत उभा होता. त्याला जेव्हा नवरीच्या निर्णयाबाबत समजलं तेव्हा त्याला शॉक बसला. शेवटी नवरदेवाला वरात परत घरी घेऊन जावी लागली.
नवरीचं एक प्रेम प्रकरण होतं. ज्यामुळे तिने लग्न करण्यास नकार दिला. ज्या कारणामुळे नवरदेवाकडील लोकांना धक्का बसला. हे प्रकरण पोलिसांमध्ये गेलं. सध्या पोलीस नवरीचा शोध घेत आहेत. अधिकाऱ्यांनी सांगितलं की, तिचा शोध घेण्यासाठी काही टिम नेमल्या आहेत.
ही घटना बंदीमाता रोडवरील एका गावातील आहे. इथे सोमवारी रात्री कानपूर देहातमधून एक वरात आली होती. वरातीचं स्वागत झालं. त्यांना नाश्ताही देण्यात आला. नंतर रितीरिवाज करण्यासाठी नवरदेवाला स्टेजवर पाठवण्यात आलं. वरातीत आलेले पाहुणे नाचत होते. पण ब्युटी पार्लरमध्ये गेलेली नवरी घरी परत आलीच नाही.
नातेवाईकांनी तिला फोन केला तेव्हा समजलं की, नवरीला लग्नच करायचं नाहीये. तिने लग्न करण्यास स्पष्ट नकार दिला आहे. जेव्हा सगळ्यांना हे समजलं तेव्हा धक्का बसला. तिला खूप समजावल्यावरही तिने ऐकलं नाही. त्यामुळे नवरदेव वरात घेऊन परत गेला. नवरीच्या वडिलांनी पोलिसात तक्रार दिली. ज्यावर पोलीस चौकशी करत आहेत.
मिळालेल्या माहितीनुसार, नवरीचं लग्न करण्याचं मन नव्हतं. पण घरच्यांसाठी ती तयार झाली. मात्र, तोपर्यंत तिचं मन बदललं. ती तयार होण्यासाठी ब्युटी पार्लरमध्ये गेली आणि तिकडून गायब झाली.