प्रेमात वय बघितलं जात नाही. याचं एक उदाहरण समोर आलं आहे. या कपलच्या वयात 42 वर्षांचा फरक आहे. तरीही त्यांचा दावा आहे की, ते त्यांच्या रिलेशनशिपमध्ये खूप आनंदी आहेत. या तरूणीचं वय 18 आहे तर तिच्या बॉयफ्रेंडचं वय 60 वर्ष आहे.
सामान्यपणे लोक आपल्यापेक्षा पाच वर्षाने मोठ्या व्यक्तीसोबत डेट करण्याआधी चार वेळा विचार करतात. तेच या कपलमध्ये वयाचं खूप जास्त पटीने अंतर आहे. तरूणीचं नाव कीशा लुइस आहे. ती सांगते की, लोक त्यांच्या रिलेशनशिपवर जळतात. त्यामुळे ते टिका करतात.
द सनच्या रिपोर्टनुसार, कीशा एक इन्फ्लुएन्सर आणि फिटनेस एक्सपर्ट आहे. तिच्या बॉयफ्रेंडचं नाव दिमित्रियास आहे. दोघेही जिममध्ये सोबत एक्सरसाइज करतात. सोबतच सोशल मीडियावर रोमॅंटिक व्हिडिओ शेअर करतात. दोघांनाही फिटनेसची खूप काळजी आहे.
2022 मध्ये दोघांनी एकमेकांना डेट करणं सुरू केलं होतं. पण कीशा आणि दिमित्रियास यांच्या नात्यावरून सोशल मीडियावर ट्रोल केलं जातं. लोक त्यांची खिल्ली उडवतात. काही लोक म्हणतात की, हे नातं चुकीचं आहे. एकाने कमेंट करत कीशाला गोल्ड डिगर म्हटलं. तर एकाने म्हटलं की, पैसे सगळं काही देतं.
लोकांच्या या कमेंट वाचून कपलने उत्तरही दिलं आहे. एका व्हिडिओत दिमित्रियास म्हणाला की, लोक त्याच्या आणि कीशाच्या नात्यावर जळतात. कीशानेही यावर लोकांना उत्तर दिलं.
कीशाने लिहिलं की, जे आम्ही करत आहोत ते बेकायदेशीर नाही. जर ते बेकायदेशीर असतं आणि चिंतेची बाब असती तर त्यांना आतापर्यंत तुरूंगात जावं लागलं असतं. मी त्यांच्या मुलीची मैत्रीण नाही. आम्ही भेटलो. तुम्हाला काय हरकत आहे?