इंडियन रेसलर द ग्रेट खलीची हाइट 7 फूट 1 इंच आहे. एका मुलीची हाइट त्याच्यापेक्षा केवळ 2 इंच कमी आहे. म्हणजे तिची उंची 6 फूट 9 इंच आहे. रिपोर्टनुसार, ही जगताली दुसरी अशी महिला आहे जिचे पाय सर्वात लांब आहेत. या कारणाने तिला कपडे आणि शूज खरेदी करण्यास अडचण येते.
29 वर्षीय Rentsenkhorloo Bud च्या पायांची लांबी कंबरेपासून ते टाचांपर्यंत 52.8 इंच आहे. मुळची मंगोलियाची असणारी Rentsenkhorloo Bud अमेरिकेतील शिकागोमध्ये राहते. महत्वाची बाब म्हणजे तिच्या परिवारातील सगळेच उंच आहेत. तिच्या वडिलांची उंची 6 फूट 10 इंच आहे आणि आईची 6 फूट 1 इंच.
उंची इतकी असल्याने अनेकदा तिची खिल्लीही उडवली गेली. पण तिच्या उंचीवर गर्व आहे. तिचं मत आहे की, उंच असणंही सुंदरता आहे. तिमे मिररला दिलेल्या मुलाखतीत सांगितले होते की, 'मी लहान असताना मला माझ्या हाइटबाबत फार वाईट वाटत होतं. अनेकजण मला चिडवत होते. पण आता असं वाटतं की, मी यूनिक आहे. मला चांगलं वाटतं. गेल्या 15 वर्षांपासून मला माझी हाइट आवडते. मी माझ्या शरीरासोबत आणि लांब पायांसोबत आनंदी आहे'.
ती सांगते की, 'अनेकजण मला विचारतात की, तू मॉडल आहेस का? जेव्हा ते असं विचारतात तेव्हा मला फार चांगलं वाटतं. मी पार्ट टाइम मॉडलिंग करते. नुकतीच मी एक ब्रॅन्डसोबत जुळले आहे. ते उंच मुलींसाठी लेगिंग्स तयार करतात. उंच असणंही सुंदर असणं असतं. अशात तुम्ही दुसऱ्यांना वेगळेही दिसता'.
उंची जास्त असल्याने तिला अनेक अडचणींचा सामना करावा लागतो. म्हणजे तिला तिच्या साइजचे कपडे खरेदी करण्यासाठी फार मेहनत घ्यावी लागते. अनेक घरे लहान असल्याने तिला आत जाण्यासाठी खाली वाकावं लागतं. अनेकदा तर दरवाजा तिच्या डोक्यालाही लागतो. जे तिला अजिबात आवडत नाही. कपड्यांसोबतच तिला शूजसाठीही अडचणी येतात. कारण तिच्या शूजची साइज आहे यूएस 13. ती सांगते की, 'आशिया, मंगोलिया आणि कोरियात फिरले तरी या साइजचे शूज मिळणार नाही'.
दरम्यान, जगात सर्वात लांब पाय Maci Curran चे आहेत. ती टेक्सासच्या ऑस्टिनची आहे. तिच्या पायांची साइज 53 इंच आहे. Rentsenkhorloo ची गिनीज बुक ऑफ वर्ल्ड रेकॉर्डमध्ये नाव नोंदवण्याची इच्छा नाही. ती इन्स्टाग्रामवर फार अ‍ॅक्टिव आहे. तिचे त्यावर 7 हजार फॉलोअर्स आहेत.
Shocking! बघा वर्क फ्रॉम होम असंच सुरू राहिलं तर माणूस 25 वर्षांनी कसा दिसेल?
कोरोनाची दहशत! माहेरातून परतलेल्या पत्नीसाठी पतीने घराचा दरवाजाच उघडला नाही आणि मग....