Relationship : असं म्हणतात की, प्रेमाला वयाचं बंधन नसतं. व्यक्ती जर प्रेमात पडली तर तेव्हा जात-पात, धर्म आणि वय याकडे काही बघितलं जात नाही. अशा अनेक घटना समोर आल्या आहेत ज्यात कपलच्या वयात मोठं अंतर बघण्यात आलं. जास्तीत जास्त तरूण किंवा तरूणी त्यांच्या वयाच्या किंवा वयात थोडंफार अंतर असलेल्या पार्टनरचाच शोध घेतात. पण काही लोकांना आपल्या वयापेक्षा मोठ्या लोकांसोबत प्रेम होतं. अशीच एक तरूणी सध्या चर्चेत आहे. या तरूणीला केवळ वृद्ध पुरूष आवडतात आणि त्यांच्यासोबतच डेटवर जाणं तिला आवडतं.
काय सांगितलं यामागचं कारण
डेली स्टारच्या रिपोर्टनुसार, अमेरिकेच्या लॉस एंजलिसमध्ये जॅमी लुना नावाची मॉडल राहते. 25 वर्षीय लुना तशी तर इतर तरूणींसारखीच आहे. पण एका गोष्ट जरा वेगळी आहे. तिला तिच्या वयाच्या तरूणांपेक्षा वृद्ध पुरूषांसोबत डेटवर जाणं जास्त आवडतं. कारण ते मच्योर असतात. लुना सांगते की, याच कारणाने तिला वृद्ध पुरूषांना डेट करणं किंवा त्यांच्यासोबत रिलेशनशिप ठेवणं आवडतं. ती सांगते की, अनुभव घेतल्याशिवाय तुम्ही जाणून घेऊ शकत नाही.
दुसऱ्या तरूणींनाही देते हाच सल्ला
लुना सांगते की, तिला याची काही काळजी नाही की, लोक यावरून तिच्याबाबत काय विचार करतात याचं तिला देणं-घेणं नाही. लुनाने सांगितलं की, ती इतर तरूणींनाही वृद्ध पुरूषांना डेट करण्याचा सल्ला देते. लुनाने आणखी एक सांगितलं की, कधीच पुरूषांना याची जाणीव होऊ देऊ नका की, तुम्ही त्यांच्या नाही तर त्यांच्या पैशांच्या मागे आहात.
जॅमी लुनाच्या या वेगळ्या आवडीवर लोक वेगवेगळ्या कमेंट्स करते. कुणी म्हणतं की, लुना ही केवळ पैशांसाठी असं करते. पण लुना याच्याशी सहमत नाही. ती म्हणाली की, असं अजिबात नाही की, मी कमी वयाच्या तरूणांसोबत ट्राय केलं नाही. पण कमी वयाच्या तरूणांसोबत बोलणं तिला जास्त चांगलं वाटलं नाही. त्याऐवजी वृद्धांसोबत बोलण्यात, त्यांना डेट करण्यात तिला जास्त मजा येते.